𝗧𝗟 𝗻𝗼 𝗜𝗻𝗱𝗼𝗻é𝘇𝗶𝗮 𝗛𝗮𝗺𝗲𝘁𝗶𝗻 𝗞𝗼𝗼𝗽𝗲𝗿𝗮𝘀𝗮𝘂𝗻 𝗶𝗵𝗮 𝗦𝗲𝘁ó𝗿 𝗞𝗼𝗼𝗽𝗲𝗿𝗮𝘁𝗶𝘃𝗮𝘀 𝗻𝗼 𝗘𝗺𝗽𝗿𝗲𝘇𝗮 𝗠𝗲𝗱𝗶𝘂 𝗻𝗼 𝗞𝗶𝗶𝗸 𝗶𝗵𝗮 Á𝗿𝗲𝗮 𝗙𝗿𝗼𝗻𝘁𝗲𝗶𝗿𝗮.

Atambua, Sekretáriu Estadu Kooperativas Timor-Leste (SEKoop), Eng. Arsénio Pereira da Silva, M.Agr., hala’o vizita ofisiál ba Munisípiu Belu, Atambua, Indonézia, hodi hametin kooperasaun iha área kooperativa no empreza mediu no kiik (MSME) iha área fronteira Timor-Leste–Indonézia.

Enkontru ofisiál ne’e hala’o iha Rezidénsia Ofisiál Bupati Belu, Willybrodus Lay, iha Sesta (7/11), hanesan parte husi akompañamentu ba memorandu entendimentu (MoU) ne’ebé asina iha Jakarta tinan kotuk entre Governu Timor-Leste, liuhusi Sekretaria Estadu Kooperativas, no Governu Indonézia, liuhusi Ministériu Kooperativa no Empreza Mediu no Kiik (Kemenkop UKM).

Iha enkontru ne’e, parte rua diskute oportunidade no inisiativa konjunta hodi fó impulsu ba dezenvolvimentu ekonomia komunidade iha rejiaun fronteira.

Sekretáriu Estadu Kooperativas, Eng. Arsénio Pereira da Silva, deklara katak vizita ne’e hanesan pasu konkretu ba implementasaun akordu sira ne’ebé asina iha Jakarta.

“𝑳𝒊𝒖𝒉𝒖𝒔𝒊 𝒌𝒐𝒍𝒂𝒃𝒐𝒓𝒂𝒔𝒂𝒖𝒏 𝒊𝒅𝒂 𝒏𝒆’𝒆, 𝒊𝒕𝒂 𝒉𝒆𝒊𝒏 𝒂𝒕𝒖 𝒎𝒖𝒕𝒖𝒂𝒎𝒆𝒏𝒕𝒆 𝒇𝒂𝒔𝒊𝒍𝒊𝒕𝒂 𝒌𝒓𝒆𝒙𝒊𝒎𝒆𝒏𝒕𝒖 𝒆𝒌𝒐𝒏ó𝒎𝒊𝒌𝒖 𝒊𝒉𝒂 𝒓𝒆𝒋𝒊𝒂𝒖𝒏 𝒇𝒓𝒐𝒏𝒕𝒆𝒊𝒓𝒂 𝑹𝑰-𝑹𝑫𝑻𝑳, 𝒂𝒕𝒖 𝒊𝒕𝒂 𝒃𝒆𝒍𝒆 𝒅𝒆𝒛𝒆𝒏𝒗𝒐𝒍𝒗𝒆 𝒉𝒂𝒎𝒖𝒕𝒖𝒌. 𝑽𝒊𝒛𝒊𝒕𝒂 𝒊𝒅𝒂 𝒏𝒆’𝒆 𝒉𝒂𝒏𝒆𝒔𝒂𝒏 𝒑𝒂𝒔𝒖 𝒅𝒂𝒉𝒖𝒍𝒖𝒌 𝒂𝒕𝒖 𝒓𝒆𝒂𝒍𝒊𝒛𝒂 𝒂𝒕𝒊𝒗𝒊𝒅𝒂𝒅𝒆 𝒌𝒐𝒏𝒋𝒖𝒏𝒕𝒂 𝒌𝒐𝒏𝒌𝒓é𝒕𝒂 𝒔𝒊𝒓𝒂,” 𝒏𝒊𝒂 𝒉𝒂𝒕𝒆𝒕𝒆

Bupati Belu, Willybrodus Lay, mos fó apresiasuan ba vizita delegasaun Timor-Leste nian, no konsidera ne’e hanesan oportunidade importante atu reforsa relasaun iha fronteira.

“𝐇𝐚’𝐮 𝐤𝐨𝐧𝐭𝐞𝐧𝐭𝐞 𝐭𝐞𝐛𝐞𝐬 𝐭𝐚𝐧𝐛𝐚 𝐢𝐭𝐚 𝐛𝐞𝐥𝐞 𝐡𝐚𝐬𝐨𝐫𝐮 𝐦𝐚𝐥𝐮 𝐡𝐨𝐝𝐢 𝐤𝐨𝐧𝐭𝐢𝐧𝐮𝐚 𝐢𝐦𝐩𝐥𝐞𝐦𝐞𝐧𝐭𝐚 𝐚𝐤𝐨𝐫𝐝𝐮 𝐬𝐢𝐫𝐚 𝐧𝐞’𝐞𝐛é 𝐢𝐭𝐚 𝐡𝐚𝐥𝐨 𝐭𝐢𝐡𝐚 𝐨𝐧𝐚. 𝐇𝐚’𝐮 𝐡𝐞𝐢𝐧 𝐤𝐚𝐭𝐚𝐤 𝐤𝐨𝐨𝐩𝐞𝐫𝐚𝐬𝐚𝐮𝐧 𝐢𝐝𝐚 𝐧𝐞’𝐞 𝐬𝐞𝐢 𝐟ó 𝐛𝐞𝐧𝐞𝐟í𝐬𝐢𝐮 𝐛𝐨𝐨𝐭 𝐛𝐚 𝐤𝐨𝐦𝐮𝐧𝐢𝐝𝐚𝐝𝐞 𝐢𝐡𝐚 𝐟𝐫𝐨𝐧𝐭𝐞𝐢𝐫𝐚 𝐁𝐞𝐥𝐮,” 𝐡𝐚𝐭𝐞𝐭𝐞 𝐁𝐮𝐩𝐚𝐭𝐢 𝐖𝐢𝐥𝐥𝐲.

Bupati mos dezklara katak iha futuru, administrasaun Belu sei prepara expo konjunta ba Empreza Mediu no Kiik iha área fronteira, hanesan plataforma atu promové produtu lokál, fó espasu ba kooperasaun setór emprezarial sira, inklui kooperativa Merah Putih.

Durante vizita, delegasaun Timor-Leste mos aproveita oportunidade atu vizita instituisaun kooperativa susesu iha Belu, hanesan Kooperativa Pintu Air, Credit Union (CU), no uniaun kréditu seluk, hodi aprende modelu dezenvolvimentu negósiu komunidade lokál Indonézia nian.

Delegasaun Timor-Leste ne’e konpostu husi Eng. Arsénio Pereira da Silva (Sekretáriu Estadu Kooperativas), Eng. Olderico Lopes (Diretór Jerál SEKoop), Eng. Leovogildo Belarmino, M.Sc (Xefe Gabinete), Aderito Gonsaga (Diretór Nasionál Gestaun Rekursus Humanus), no representante Konsuladu Timor-Leste iha Atambua.

Bupati Willy Lay mos akompaña husi Prezidente Ekipa PKK Belu, Adjuntu Asistente ba Dezenvolvimentu Amenidade no Asesibilidade Turizmu, Funsionáriu DPM Belu (PPM), no Sekretáriu Interinu Konsellu Reprezentante Povu Rejionál Belu (DPRD).

Vizita ofisiál ne’e reforsa kompromisu Governu rua atu kontinua promove dezenvolvimentu ekonomia lokál, no hametin kooperasaun harmónia iha área fronteira.

#Média SEKoop#