𝗣𝗡 𝗔𝗽𝗿𝗼𝘃𝗮 𝗨𝗦$𝟯,𝟲𝟭𝟭,𝟮𝟳𝟲 𝗯𝗮 𝗦𝗘𝗞𝗼𝗼𝗽 𝗶𝗵𝗮 𝗢𝗝𝗘 𝟮𝟬𝟮𝟲.

Díli, 17 Novembru 2025 — Parlamentu Nasionál aprova iha segunda-feira (17/11) Orsamentu Jerál Estadu (OJE) tinan fiskál 2026 ba Sekretaria Estadu Kooperativa (SEKoop) ho valor total US$3,611,276.

Aprovasaun ne’e hala’o durante debate fase espesialidade kona-ba Projetu Proposta Lei n.º 23/VI (3a) ba OJE 2026, ne’ebé kontinua durante loron tolu parte dader.

Tuir detalhus apresentados iha sessão, orsamentu ba SEKoop mak distribuído hanesan: Saláriu no Vensimentu: US$1,555,757, Bens no Servisus Rekorrentes: US$2,055,519, Votasaun final hatudu 43 deputadu vota a favór, 22 abstén, no la iha votu kontra.

SEKoop sei implementa programa rua, sub-programa ha’at, no atividade 13 durante tinan fiskál 2026.

Debate fase espesialidade ne’e lidera hosi Prezidente Parlamentu Nasionál, Maria Fernanda Lay, ho partisipasaun hosi Primeiru-Ministru, Kay Rala Xanana Gusmão, membru Governu sira no entidade relevante seluk.

#Média SEKoop#