𝗦𝗘𝗞𝗼𝗼𝗽 𝗣𝗮𝗿𝘁𝗶𝘀𝗶𝗽𝗮 𝗚𝗮𝗹𝗮 𝗗𝗶𝗻𝗻𝗲𝗿 𝗛𝗮𝗺𝘂𝘁𝘂𝗸 𝗵𝗼 𝗦𝗲𝘁ó𝗿 𝗣𝗿𝗶𝘃𝗮𝗱𝘂 𝗡𝗮𝘀𝗶𝗼𝗻á𝗹 𝗻𝗼 𝗜𝗻𝘁𝗲𝗿𝗻𝗮𝘀𝗶𝗼𝗻á𝗹.

Díli, 10 Janeiru 2026 – Sekretáriu Estadu Kooperativas (SEKoop), Eng. Arsénio Pereira da Silva, M.Agr., partisipa iha Gala Dinner hamutuk ho reprezentante Setór Privadu Nasionál no Internasionál sira, iha okaziaun simu Tinan Foun 2026. Eventu ida-ne’e hala’o iha Sentru Konvensaun Díli.

Gala Dinner ne’e oferese hosi Vise-Primeiru-Ministru no Ministru Koordenadór ba Asuntu Ekonómiku, ne’ebé mos akumula kargu hanesan Ministru Turizmu no Ambiente, Dato Seri Francisco Kalbuadi Lay, ho objetivu atu hametin relasaun entre Governu no Setór Privadu hodi sustenta dezenvolvimentu ekonómiku nasional.

Iha eventu ida-ne’e, marka prezensa hosi membru sira Guvernu, Deputadu Nasionál sira, Xefe Estadu Maior Jenerál FALINTIL–Forsa Defeza Timor-Leste (F-FDTL), Tenente Jenerál Falur Rate Laek, Komandante Jerál Polísia Nasionál Timor-Leste (PNTL), Komisáriu Jerál Polísia Henrique da Costa, Korpus Diplomátiku, emprazáriu nasional no internasionál sira, no mós líder relijozu sira.

#Média SEKoop#