𝐒𝐄𝐊𝗼𝗼𝐩 𝐇𝐚𝐥𝗼 𝐕𝐢𝐳𝐢𝐭𝐚 𝐁𝐚 𝐆𝐫𝐮𝐩𝐮 𝐒𝐢𝐫𝐚 𝐍𝐞’𝐞𝐛𝐞́ 𝐇𝐞𝐭𝐚𝐧 𝐅𝐮𝐧𝐝𝐮 𝐒𝐮𝐛𝐯𝐞𝐧𝐬𝐚𝐮𝐧 𝐏𝐮́𝐛𝐥𝐢𝐤𝐚 𝐇𝐮𝐬𝐢 𝐒𝐄𝐊𝗼𝗼𝐩

Manufahi, 12 Agostu 2025

Tersa-Feira lorokraik, Sekretáriu Estadu Kooperativa (SEKoop), Eng. Arsénio Pereira da Silva, M.Agr, halo vizita ba Grupu sira ne’ebé hetan apoiu Fundu Subvensaun Públika husi SEKoop, iha Aldeia Lalika, Suku Betano, Postu Administrativu Same, Munusípiu Manufahi.

Iha hasoru malu ida ne’e mos Sua Eselénsia SEKoop hamutuk funsionáriu destakadu SEKoop iha Munisípiu Manufahi hala’o diálogu ho benefisiáriu sira hodi haree besik no rona direta prosesu implementasaun planu ne’ebé grupu hirak ne’e halo ona no aprezenta mos difikuldade balun ne’ebé sai hanesan obstákulu.

Iha Sua Eselénsia SEKoop nia intervensaun expresa nia sentimentu ida kontente no orgullu tamba mesmu ho limitasaun kuñesimentu no finanseiru maibé la lakon vontade no kontinua foti inisiativa rasik hodi envolve an iha atividade produsaun. SEKoop garante katak sei la halo buat hotu iha mandatu ida ne’e nia laran, maibé sei buka meiu sira atu grupu ka kooperativa ne’ebé iha planu di’ak sei hetan apoiu máximu husi IX Governu Konstitusionál liu husi SEKoop.

#MédiaSEKoop2025