Díli: 05 Agostu 2024, Sua Exelénsia Serecretário de Estado das Cooperativas (SECoop), Eng. Arsénio Pereira da Silva, M.Agr, sai inspektor seremonia hasa’e Bandeira Nasionál Repúblika Democrática de Timor-Leste (RDTL) semana da-uluk Fulan Agostu tinan 2024 nian, iha Resintu SECoop Akait, Díli, Timor-Leste.

Iha seremónia Hasa’e Bandeira Nasionál ne’e, Sua Exelénsia SECoop husu ba dirijenti no funsionáriu sira atu hadiak prestasaun servisu no hatudu displiña iha servisu fatin.

“Hau fó agradese ba ita boot sira nia kontribuisaun ba povu no rai ida ne’e ho diak, mezmu buat barak maka prezisa atu mellora liu tan, liu-liu pontualidade no seriadade atu serví. Tanba ita hotu hatene katak atu serví ida ne’e tenki ho pontualidade, tenki ho ita nia matenek hodi serví rai no povu ida ne’e” afirma SECoop.

Husu ba dirijennti sira, kargu diretir Geral, kargu diresaun no xefia sira, ita boot sira tenki ezemplu no sai espellu ba funsionáriu sira, ne’ebé dirijenti no funsionáriu sira, ida-idak tenki halo reflexsaun ba ida-idak nia aan, hatutan SECoop.

Ikus liu Secretário de Estado das Cooperativas mos apela dirijenti no funsionáriu sira atu aselera prosesu ejekuzaun tuir programa sira ne’ebé maka planeia tiha ona, tanba agora tama ba inisíu trimestral datoluk nian.

Entretantu Serimónia hasa’e Bandeira Nasionál ne’e nu’udar atividade regulár ne’ebé obrigatoriamente Funsionáriu sira tenke realiza iha semana dahuluk ba kada fulan, fulan ida ne’e responsabiliza husi Diresaun Nasionál Administrasaun no Finansas (DNAF) no fulan oin sei responsabiliza husi Diresaun Nasionál Aprovisionamentu no Lojistika (DNAL).

Prezensa iha seremonia isar Bandeira Nasionál ne’e maka hanesan Diretór Geral SECoop, Eng. Olderico Lopes, GIA, Gaspar Policarpo Correia, Xefe Gabinete, Eng. Leovogildo Belarmino, M.Sc., kargu diresaun, kargu xefia sira asesor sira nomos funsionáriu sira.

Mídia SECoop