SECOOP Sai Sasin Ba Seremónia Pose Cooperativa F-PRO iha Salaun SEFOPE.
Díli, 10 Febreiru 2022.
Secretário de Estado de Cooperativas (SECOOP), Dr. Elizário Ferreira, MM hamutuk ho Secretário de Estado de Formação Profesionál e Emprego (SEFOPE), Alarico de Rosario sai Sasin Ba pose Cooperativa Créditu Uniaun Família Profesionál Empregu (F-PRO), nomos ensera formasaun bázika kona-ba lala’ok cooperativas nian.
SECOOP iha ninia intervensaun husu ba Estrutura sira tenki iha espirítu cooperativizmu hodi dezenvolve ho umilde, onestidade, no simplesidade.
“Umilde, onestu no simplesidadade mak karater ema dirijente cooperativa nian katak hahú dezenvolve ho umildade haraik-an kuandu iha dezenvolve tenke hatudu o nia onestidsde atu nune’e ema bele fiar o, se la onestu ema sei la fiar no sai simplesidade”, Afima SECOOP
Iha tempu SEFOPE senti orgullu no fó agrade ba parte SECOOP ne’ebé fasilita ona formasaun bamázika ba membru cooperativa sira, kompremetidu sei kontinua apóiu cooperativa Kréditu Uniaun (CU) Família Profesionál (F-PRO) iha SEFOPE rasik.
“Tanba SEFOPE nia papel ida mak hadi’a ema nia moris ida, atu oinsá ema ida nia moris sei di’ak liután ema ne’e moris tiha oinsá para hadi’a nia moris sai di’ak liután”, afirma nia.
Prezidente Kooperativa CU F-PRO, Jacinto Barros Gusmão hatete, tempu badak sei akumula funsionáriu iha SEFOPE 170 sei tama ba kooperativa F-PRO ne’e rasik.
“Agrdese ba SEKOOP, dadaun ne’e sira iha membru hamutuk 37 maibé sei iha ema 170 ne’ebé mak iha SEFOPE atu envolve iha kooperativa ne’e rasik, ne’ebé ami fiar katak iha tempu badak ida ne’e sei servisu no hala’o ho di’ak”, dehan Jacinto.
Cooperativa Kréditu Uniaun (CU) F-PRO hahú moris iha loron 5 fulan-fevereiru tinan 2022, ho membru dadaun ne’e 37, iha feto 15 no mane 22.
