SECOOP Lidera Reuniaun Konsellu Konsultivu Dala III iha Ámbitu 2022.
Díli, Kinta-Feira, 10 Febreiru 2022
Secretário de Estado de Cooperativas (SECOOP), Dr. Elizário Ferreira, MM lidera reuniaun Konsellu Konsultivu ba dala III iha tinan 2022 nian, iha sala Gabinete SECOOP, Akait.
Ajenda reuniaun maka hanesan, Abertura husi SECOOP, apresiasaun akta 11 Febreiru 2022 nian, apresiasaun planu asaun 2022 kada diresaun nian, imformasaun kona-ba asegura konfiansa Parlamentu Nasionál nian mai SECOOP, Diversus, no taka.
Iha reuniaun ne’e SECOOP afirma katak
Ita reuniaun iha Febreiru preokupasaun bo’ot liu maka oinsa atu ejekuta konfiansa Parlamentu nian mai ita, konfiansa Parlamentu nian mak Cesta Basica (CB) parte ida rekuperasaun ekonómiku nian, tenki aselera servisu extra hodi nune’e bele implementa tuir Orsamentu Jeral Estadu 2022 nian. Husu ba responsavel distribuisaun CB nian atu rekolla ka aktualiza dadus agregadu família nian iha Munisípiu 8 ne’ebé responsabiliza husi SECOOP.
Governante ne’e mós ne’e kontinua apela ba Diresaun hotu-hotu atu halo Planu Asaun Anuál bazeia ho nafatin referensia ba reuniaun hirak ne’ebé hala’o iha Lospalos no Díli nian.
Partisipa iha Reuniaun ne’e maka hanesan, DGAFP, Natalia Rocha Costa, DGPDC, Francisco Xavier, GIA, Henrique de Oliveira Ximenes, GIG, Ana Paula Paicheco, diretor nasionál no asesor sira.
