SECOOP Lidera Reuniaun Konsellu Konsultivu Ba Dala Uluk iha Tinan 2022 nian.
Díli, Sexta-Feira, 07 Janeiru 2022.
Secretário de Estado de Cooperativas (SECOOP), Dr. Elizário Ferreira, MM lidera Reuniaun Konsellu Konsultivu dala Uluk iha ámbitu tinan 2022 nian, iha Sala Reuniaun Gabinete SECOOP.
Agenda ba Reuniaun Konsellu Konsultivu maka hanesan tuir mai ne’e, Loke husi SECOOP rasik, imformasaun kona-ba desizaun sira ne’ebé mak foti ona, kona-ba asegura desizaun Parlamentu Nasionál (PN) nian, bazeia rejultadu reuniaun 29 Dezembru 2021 liu ba, relatóriu husi kada diresaun sira nian, ikus liu diversus.
“Ita iha konfiansa hosi PN nian hamutuk US$ 40 milloens, hamutuk ho orsamentu Secretaria de Estado de Cooperativas hamutuk US$ 44, 604,547. Tanba ida ne’e ita nia planu tinan ida ne’e, hotu-hotu foka liu ba servisu aktividade produtivu, no diversifikasaun aktividade ekonómiku nian”. Afirma SECOOP
Governante ne’e afirma liu tan katak Reuniaun ohin, iha reuniaun 29 Fulan Dezembru 202, aprova ona planu asaun anual, ne’ebé sai referensi ba diresaun ida-idak atu halo planu asaun anual, hodi nune’e reuniaun ohin halo sai planu ida deit kona-ba Secretaria de Estado de Cooperativas nian.
Enkuantu Planu Asaun Anual ne’e foka nafatin ba Planu Estratéjiku Cooperativas nian, ne’ebe fó importansia ba 1.Fortalesementu institusionál, 2.Edukasaun, formasaun, no imformasaun,
3. Estabilizasaun Cooperativas,
4. Kapitalizasaun,
5. Joven Cooperativa ba Joven,
6. Merkadu Ba Produtór sira.
Rejultadu avaliasaun internal SECOOP nian, Movimentu Cooperativa sira, FCCHM, OMM nian, rekomendasaun no konklusaun lases husi programa no planu SECOOP nian. Tanba ne’e kabe mai SECOOP atu jere rekomendasaun sira hodi asegura finanseira SECOOP no Movimentu Cooperativa sira nian.
Partisipa iha reuniaun ne’e maka hanesan, Diretór Geral das Cooperativas, Xefe Gabinete SECOOP, diretor/a nasionál no xefe departamentu nasionál sira, nomos asesor sira.
