SECOOP Fó Pose Ba Estrutura Cooperativa CU FATUMA iha Postu Administrativu Liquidoe.
Liquiedoe, Sábadu, 15 Janeiru 2022.
Secretário de Estado de Cooperativas (SECOOP), Dr. Elizário Ferreira, MM, fó Pose ba Estrutura Cooperativa Créditu Uniaun Fatuk Merin Unidade Manutai “CU FATUMA” iha Aldeia Manutai, Suku Manukasa, Postu Administrativu Liquidoe, Munisípiu Aileu, sai hanesan Cooperativa sira seluk ne’ebé maka antes ejiste uluk ona.
SECOOP fó parabens estrutura CU FATUMA tanba bele halibur malu hodi kontribui dezenvolvimentu ekonómia rai laran.
“CU FATUMA mós iha oportunidade bele harii loja do cooperativa, maibe hafion SECOOP fasilita formasaun kontinuasaun lai mak bele realiza ida ne’e”. Enkoraja SECOOP
Governante ne’e mós husu Estrutura CU FATUMA atu labele lori Cooperativa tama iha vida polítika, selae Cooperativa sei laiha ninia sustentabilidade institusionál no finanseira,
Iha fatin hanesan Prezidenti CU FATUMA, Juliana Imaculada hateten katak Cooperativa sai baze ba ekonómia família ka uma kain.
“Antes sai Coopertiva, hahú grupu hamutuk 12, ne’ebé maka suporta hosi Word Vision hala’o aktividade rai no impresta osan, hasoru difikuldade iha momentu ne’eba, difikuldade hirak ne’e la sai obstaklu maibe fó esperansa atu hakat ba oin”. Konta Prezidenti CU.
Lideransa komunitáiru ne’e mós rekomenda ba SECOOP atu atu ba futuru kontinua fasilita formasaun hodi nune’e bele eleva kuiñesementu membru sira nian kona-ba kontabilidade, nomos lala’ok cooperativas nian.
Partisipa iha Seremónia ne’e maka hanesan Administradór Postu Administrativu Liquidoe, xefe suku no xefe aldeia sira, nomos komunidade sira.
