DG SECoop Loke Abertura Formasaun ho Tema “Formasaun Espesialidade Konaba Dividendu ba Dirijentes Cooperativas Nível Regional”, iha Município Manatuto

Manatuto, 22 Abril 2024

Ohin dader, Diretor Geral Olderico Lopes reprezenta Secretario de Estado de Cooperativas hodi loke Abertura Formasaun ho Tema, “Formasaun Espesialidade Konaba Dividendu ba Dirijentes Cooperativas Nível Regional”. Partisipantes ba Formasaun nee husi koperativas hirak nebe durante eziste iha Município hat (4) mak hanesan, husi Município 4: Lautem, Viqueque, Baucau, Manatuto. Ho total partisipantes hamutuk ema nain 30 pessoas. No Formasaun nee halao iha durante loron 5 nia laran nebe hahu husi loron 22-26 Abril 2024. No formasaun nee halao iha Salaun Igreja St. Antonio Manatuto.

Objetivu husi Formasaun nee mak atu “Hasae Dirijente Cooperativa Sira-Nia Konesementu & Kapasidade, hodi bele halo Distribusaun Excedentes ba Membru sira”. No Formasaun ida nee, organiza husi Diresaun Nasional ba Politika Reforma no Kapasitasaun ba Jestaun Kooperativa nebe dirize husi Diretor Nasional Amandeu Silva.

Iha biban ida nee, Diretor Geral liu husi ninia diskursu iha Serimonia Abertura katak Governo liu husi Secretario de Estado de Cooperativas ninia Knaar mak hanesan Regulador, Fasilitador no Motivador.

Konaba Credito Union  nebe mak hola parte mos ba iha ramos koperativas tanba nee mak bazeia ba planu Orsamentu Geral Estado nian liu husi SECoop tau nia Orsamentu, atu hadia no Dezenvolve instituisaun kooperativa no programa ida mak Formasaun.

Tanba nee mak Diretor Geral husu ba partisipantes sira atu atu aproveita ho diak hodi bele hatene jere kada ida-idak nia kooperativa ho diak ba oin,”Taka Nia.

Hafoin remata loke abertura serimonia ba formasaun, Diretor Geral mos halao vizita kortezia ba Presidente Autoridade Municipio Manatuto, hodi koalia mos konaba Futuru Edifisiu SECoop no Funsionariu hirak nebe mak agora dadaun nee destaka ona iha Municipio Mantuto.

#Média_SECoop