SEKoop Vizita Kortézia Ba Grupu Produsaun Masin iha Aidaba Leten Atabae

Atabae: 08 Agostu 2025.

Sua Eselénsia Sekretáriu Estadu Kooperativa (SEKoop), Eng. Arsénio Pereira da Silva, M.Agr., akompaña hosi Koordenador SEKoop Munisípiu Bobonaro, Helder Amaral no Responsável Subensaun Públika ba Munisípiu Bobonaro nian, Aquino Dias da Silva aktual Asesor Juridiku, nomos funsionáriu Gabinete no funsionáriu destakadu Munisípiu Bobonaro hala’o vizita kortézia ba Grupu Produsaun Masin iha Aldeia Sulilara, Suku Aidaba Leten, Postu Administrativu Atabae, Munisípiu Bobonaro.

Objektivu hosi vizita ne’e, hodi observa direita sira nian atividade inklui mos rona sira nia preokupasaun no difikuldade sira ne’ebé maka durante ne’e sira hasoru iha baze. Durante iha vizita, membru Grupu sira relata sira nia preokupasaun ba Sua Eselénsia SEKoop maka hanesan, husu apóiu Gerobak hodi tula ai maran, hadia fatin halo produsaun, terbal no selu-seluk tan.

Hatan kona-ba preokupsaun hirak ne’e, Sua Eselénsia Sekretáriu Estadu Kooperativa husu Xefe Grupu atu proposta mai Sekretaria Estadu Kooperativa, hodi nune’e bele hetan apoio ruma tuir kbi’it Governu nian. Husu mos Grupu refere ba futuru tenki transforma-aan sai kooperativa tuir lei haruka, nune’e ba futuru bele iha ninia sustentabilidade.

#Média SEKoop#