SEKoop Fó Orientasaun Jeral ba Funsionáriu Sira Apóiu Gabinete.

Díli, 14 Janeiru 2026 – Sekretáriu Estadu Kooperativas (SECoop), Eng. Arsénio Pereira da Silva, M.Agr., hala’o reuniaun dahuluk ho funsionáriu sira apóiu polítiku iha Gabinete SECoop, hodi fó orientasaun jeral ba planu servisu tinan 2026.

Iha reuniaun ne’e, SEKoop husu ba funsionáriu sira hotu atu halo avaliasaun no refleksaun kona-ba failansu sira ne’ebé akontese iha tinan kotuk, hodi bele hadia no mellora prestasaun servisu iha futuru.

SEKoop hateten katak, liu husi mudansa iha estrutura Gabinete, iha oin tenki hametin koordenasaun no servisu hamutuk hodi implementa Planu Asaun Annual tinan 2026, atu fó rezultadu konkretu ba povu no kontribui ba dezenvolvimentu rai nian.

“Funsionáriu sira tenki hatudu nafatin prestasaun servisu ne’ebé diak iha fatin servisu, no mos tenki kumpri desizaun polítika no regra sira ne’ebé estabelese ona,” hateten governante ne’e.

Relasiona ho mudansa estrutura iha Gabinete SECoop, Sra. Francisca L. De A. Simith nomeia hanesan Xefe Gabinete, Sebastiana C. da C. Mausaco hanesan Sekretária Ezekutiva, no Sra. Usna Duro da Silva hanesan Koordenadór Finansas. Enkuantu, Xefe Gabinete sesante, Eng. Leovogildo Belarmino, M.Sc, kontinua servisu hanesan asesor no Koordenadór Sekretariadu ACMM.

Reuniaun ne’e sai hanesan pasu importante atu hametin servisu internu Gabinete SEKoop no garante implementasaun politika governu iha setór kooperativas.

#Média SEKoop#