PM Fila Hikas Mai TL Hafoin Partisipa Simeira ASEAN Ba Dala 46.

Díli, 28 Maiu 2025

Sua Eselénsia Sekretáriu Estadu Kooperativa (SEKoop), Eng. Arsénio Pereira da Silva, M.Agr., hamutuk ho Vise-Primeiru Ministru, Ministru Koordenador ba Asuntu Sosiáis no Ministru ba Dezenvolvimentu Rural no Habitasaun Komunitária, Eng. Mariano ASSANAMI Sabino, Embaixador Malázia Ba Timor-Leste, membru IX Governu Konstitusionál no membru Parlamentu Nasionál simu Primeiru-Ministru (PM), Kay Rala Xanana Gusmão ho delegasaun hafoinn partisipa Simeira Association of South East Asian Nations (ASEAN) bá dala 46, iha Kuala Lumpur Malázia.

Iha Simeira ASEAN ba dala-46 ne’ebé hala’o iha Kuala Lumpur, Primeiru-Ministru Malazia nian, AYB Dato’ Seri Anwar Ibrahim, deklara ofisialmente katak, Timor-Leste sei sai membru plenu ba ASEAN, iha Simeira ASEAN ba dala-47 ne’ebé ajendadu ona ba fulan-outubru 2025 iha Kuala Lumpur.

Entretantu delegasaun ne’e lidera husi Primeiru-Ministru, Kay Rala Xanana Gusmão, akompaña husi Vise-Primeiru-Ministru no Ministru Koordenadór bá Asuntu Ekonómiku, Francisco Kalbuadi Lay, Ministru Negósiu Estranjeiru no Kooperasaun (MNEK), Bendito dos Santos Freitas, Vise-Ministru bá Asuntu Parlamentár, Adérito Hugo da Costa, Vise-Ministra bá Asuntu ASEAN nian, Milena Rangel, Vise-Ministru bá Komérsiu, Augusto Júnior Trindade no Sekretáriu Estadu Komunikasaun Sosiál, Expedito Dias Ximenes.

Média SECoop