TL Partisipa Sorumutu Nível Alto iha Simeira “ASEAN Inclusive Business” da-VI iha Bali, Indonézia

Bali, 23 Agostu 2023.

Secretário de Estado das Cooperativas (SECoop), Eng. Arsénio Pereira da Silva, M.Agr., Reprezenta I Vice Primeiro Ministro, Ministro Coordenador Assuntos Económicos e Ministro Turismo e Ambiente, Francisco Kalbuady Lay partisipa simeira nível alto ba loron dahuluk iha “The ASEAN Inclusive Business (IB)” ba da-VI, iha Mulia Resort, Nusa Dua, Bali, Indonézia.

Sorumutu ne’e loke direita husi Ministro Cooperativa no SMEs Indonézia nian, S.E. Teten Masduki no kontinua kedas ho reuniaun nível altu ne’ené mak partisipa husi paises membru ASEAN nian hodi relata progresu no dezafiu sira nebé hasoru liga-ho negósiu inkluzivu iha kontestu ASEAN.

Iha sorumutu ida ne’e, mezmu Timor-Leste invitadu nudar observadór ba eventu ida ne’e maibé fó oportunidade atu hato’o Timor-Leste nia pozisaun relasiona ho temátiku refere. Nu’udar obeservadór, Timor-Leste nia assesaun kompba ASEAN iha ona prosesu ida ne’ebé besik kulminasaun, nune’e okaziaun ida ne’e, ativamente ita atu rona, aprende no familiariza assuntu ligados inklui Negósiu Inkluzivu ASEAN nian ne’ebé estabelese ona dezde tinan 2017 iha Manila.

Paises membru ASEAN nian ne’ebé partisipa iha eventu ne’e mak hanesan, Indonesia (uma nain), Malaysia, Thailandia, Singapore, Filipina, Vietnam, Brunei Darussalam, Lao PDR, Cambodia, Myanmar no Timor-Leste.

#Média_SECoop