Enkontru Tekniku ho Delegasaun Laos iha Simeira The Sixth ASEAN Inclusive Business iha Bali-Indonézia
Bali, 24 Agostu 2023.
Delegasaun TL ne’ebé representa husi Secretaria de Estado de Cooperativas (SECoop) Eng. Leovogildo Belarmino, Coodenador Gabinete, Asesoria Cooperativa no Relasaun External SECoop nian ho ekipa hasoru malu ho delegasaun husi Laos Sr. Vannaseng, General Director of SME husi nasaun Lao PDR hodi koalia kona-bá partisipasaun Timor-Leste iha simeira ASEAN nian ne’ebé mak sei hala’o iha país Laos iha tinan 2024.
Iha enkontru ne’e Timor-Leste husu ba Laos atu bele guia oinsa mak bele halo preparasaun ba partispa atividade pertinentes liga ho assuntu ekonomia nian, inklui ASEAN Economic Forum, ASEAN Inclusive Business, enkontru sira atu fó pareser ba Circular Economy for Unique Business Identification Number no seluk-seluk tan ne’ebé mak aplika ba nasaun membru sira atu tuir.
Biban ida ne’e, Sr. Vannaseng hato’o katak, país Laos prontu atu fó apoiu Timor-Leste, liu-liu “information exchange” kona-ba preparasaun enkontru nível tekniku sira ne’ebé mak liga-ho assuntu ekonomia, inklui negósiu sira ba empresas Micro, Pequenha no Médio (MSMEs). Ho ida ne’e bele garante involvimentu entidades hotu país membru ASEAN nian, kriasaun, produsaun no promosaun negósius ba sustentabilidade ekonomia país membru ida-idak, iha nível nasional no regional.
Alem de ne’e, Laos mós sai membru ba kooperasaun membru foun iha ASEAN hanesan Cambodia, La’os, Myanmar no Vietnam (CLMV) ne’ebé presiza iha programa espesífiku no atendimentu espesífiku atu bele familiariza ho assuntus ligados, inklui enkuadramentu legais no akordu kooperasaun sira, akordu parte teknikus iha area ekonomia no seluk-seluk tan ne’ebé mak adota iha ASEAN. Nune’e, sé karik TL sai ona membru, bele mós hola parte iha Kooperasaun ida ne’e.
Senhor director ne’e mós hatutan katak, páis Laos hanesan nasaun ki’ik ida iha sudeste Aziátiku, jeografikamente foho lolon kuaze 80% no rai tetuk 20%, populasaun kuaze 80% mak sei moris nudar to’os nain no kuaze 50% ba leten mak seidauk kapasidade atu halo kompetisaun negósiu iha nível domestika, nasional no regional.
Iha tempu hanesan, delegasaun Timor-Leste mós salient katak páis Laos ho Timor-Leste kuaze iha similaridade iha asuntu ne’ebé temi. Nune’e “ami husu ba Laos nia apoiu, liu-liu oinsa mak bele guia ami, fahe esperiénsia sira no preparasaun sira seluk hodi nune’e Timor-Leste bele prepara-an bainhira adesaun ba ASEAN”. Alem ida ne’e, Timor-Leste nia prontidaun ba involve iha assuntos ligados, liu-liu área kooperativa nian ba micro, small no medium enterprises. Tenik Sr. Belarmino.
Adisional, Laos ho Timor-Leste sei halo ligasaun imediata atu halo “exchange information”, liu-liu presiza estabelese ekipa tekniku sira hodi bele halo komunikasaun intensive ho páis Laos liga-ba Small and Medium Enterprises no preparasaun ba partisipa iha eventu no simeira sira ne’ebé mak sei hala’o iha Repúblika Demokrátika Popular de Laos iha tinan oin. *KA*
#Média_SECoop
