Díli, 18 Abril 2024; Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr., hala’o lansamentu ba Restaurante Bafo Kayrala nian iha Delta II, Comoro, Dom Aleixo, Díli.

Atu promove produtu final hosi Bafo Kayrala Grupu Feto Kreativu loke Restaurante ida ba menu produtu Bafo Kayrala deit, hodi faan ba konsumedor sira iha área Delta II, Comoro.
Iha lansamentu ne’e, Sua Eselénia SECoop fó aprésiasaun ba Grupu Feto Kreativu hamutuk Diresaun Nasionál Promosaun ne’ebé maka servisu hamutuk hodi realiza atividade refere.
“Hau hanoin lansamentu ida senti orgullu, agora hahú hosi Díli hafoin kontinua ba habelar tan ba munisípiu sira seluk, durante ne’e koalia ita deit iha baze maibe agora ne’e realiza duni, ne’ebé ba hau senti orgullu tanba realiza duni mehi sira ne’ebé durante ne’e hanoin hela”, afirma SECoop.

Secretário de Estado de Cooperativas mos hatutan tan katak, hanesan Secretárío de Eatado sei promove liu hosi liña ministeriál sira hotu, bainhira hala’o atividade nasionál ruma bele inklui mos produtu final Bafo Kayrala nian iha menu merenda nian.

Ikus liu Governante ne’e komprometidu sei fó apoiu Grupu Feto Kreativu nomos Movimentu Cooperativa sira hodi fasilita formasaun nune’e bele sustentablidade ba furuturu.
Entretantu produtu final hosi Bafo Kayrala ne’e maka sei iha faan iha Restaurante refere maka hanesan, Etu Bafo Kayrala, Sasoro, Bolinus, Kukies, pão, pudin, no selu-seluk tan.

Prezensa iha seremónia ne’e maka hanesan, Diretór Geral SECoop, Eng. Olderico Lopes, Reprezentante Ministeriu Turizmu, Reprezentante Ministeriu Edukasaun, no Reprezentante Ministeriu Agrikultura.

#Mídia SECoop#.