Venilale, 12 Abril 2024, Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr hamutuk ho Kamponezes sira hala’o lansamentu kuilleta dahuluk ba Bafo Kayrala nivel munisípal iha Munisípiu Baucau nian, hafoin kuilleta, kontinua kedan husik fini ba kolam iha Aldeia Laku Uma, Suku Bahamori, Postu Administrativu Venilale, Munisípiu Baucau.

Grupu Produsaun Agrikula Klibur Hakbiit Malu iha Aldeia Laku Uma kultiva Produtu Bafo Kayrala hamutuk hektares 6 ne’ebé maka tasak ona atu kuilleta, maibe ne’ebé maka iha área keta-ketak, nune’emos prepara kolam hamutuk 10 iha fatin keta-ketak mos.

Hafoin Kuilleta Sua Eselénsia SECoop fó aprésiasaun ba produtór sira tanba kultiva ona Bafo kayrala hahú hosi kuda to’o hetan rejulta diak, no husu atu ba oin atu kuda nafatin hodi konsumu no lori merkadu sira.
“Ohin ita hala’o primeiru Kuilleta Batar Fos (Bafo) hamutuk hektares rua iha fatin ida ne’e, maine hektares 4 seluk mos iha sei fatin seluk, Bafo ohin kuilleta ne’e balun sei konserva halo fini no balun lori ba sentru MOKATIL prosesa sai batar no fos hodi fornese ba merenda eskolar, tanba produtu refere iha ninia nutrisaun diak ba labarik sira nia Saúde, representa karbohidrat hamutuk ho produtu sira seluk” afirma SECoop.

Governante ne’e mos hatutan tan atu produtor sira atu kontinua kuda iha rai bokur ne’ebé maka sei abandona hela, tanba produtu refere sai materia prima industrializasaun, hun ida deit bele produz produtu hamutuk 30 resin ba ema no animal nian, inklui mos produtu refere lakuiñe trmpu udan ka bailoron, rai tetuk ka foho lolon, maine kuda iha kualker fatin no kualker tempu.
“Iha Suku Bahamori potensialidada boot ba hala’o aktividade produsaun agrikula nian, Ita tenki diversifika produtu oi-oin iha fatin ida ne’e, no sai hanesan rendimentu ba ekonomia familiar nian. Ita boot sira mos labele hela ho Grupu Agrikula deit, maibe tenki transforma-aan sai Cooperativas hodi nune’e bele iha ninia sustentabilidade ba futuru,” hatutan Nia.

Ikus liu, preokupasaun hosi komunidade sira nian kona-ba merkadu, ba produtu Bafo Kayrala ne’e rasik, Sua Eselénsia Secretário de Estado de Cooperativas komprometidu katak Governu iha ninia planu no dever hodi kria merkadu ba produtór sira.
“Kona-ba merkadu hau hanoin, merkadu ida maka ita rasik konsumu, merkadu ida seluk maka produtu refere sei fornese ba merenda eskolar, bainhira produz barak ona bele lori ba merkadu lokal no nasionál, husu mos ba funsionáriu destakadu sira iha Munisípiu Baucau hodi proativu feira sira ne’ebé hala’o iha munisípiu atu nune’e kontinua halo promosaun ba produtu Bafo Kayrala. ” hakotu SECoop.

Hafoin Sua Eselénia SECoop hamutuk kamponzes sira kontinua husik fini ba kolam ida iha área refere hodi reprezenta kolam sia seluk ne’ebé dook hosi fatin refere.

Iha tempu hanesan Reprezentante Grupu, Valenti Mesak, hateten katak senti kontenti tanba foin dahuluk hetna vizita Governante ida iha mandatu IX Governu Konstitusionál nian, tanba sira Grupu refere lokaliza dook hosi sidade no iha área rural liu, prezensa ne’e hanesan motivasaun ida ba sira hodi hala’o atividades produsaun halo barak liu tan, iha sira nia aldeia.

Enkuantu tuir tarjeitu rai ne’ebé maka planeia atu kultiva Bafo Kayrala hamutuk 100, maibe agora dadauk parseiru Movimentu Kamponezes Timor-Leste (MOKATIL) hamutuk produtór sira prepara rai kultiva Bafo liu ona tarjeitu.

Prezensa iha Seremonia ne’e maka hanesan, Administrador Postu Administrativu Venilale, Asesor tékinka, Estanislau C. Ximenes, Diretór Servisu Agrikultura Munisípiu Baucau, Diretor Servisu Edukasaun Munsípiu Baucau, OPS, Xefe Suku Bahamori nomos komunidade sira.

Mídia SECoop