SECoop Prezidi Seremonia Isar Bandeira Nasionál Semana Dahuluk Fulan Abril, iha Resintu SECoop.
Díli, 01 Abril 2024, Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr., sai Inspetór ba Serimónia Isar Bandeira Nasionál semana dahuluk, iha Fulan Abril tinan 2024 nian, iha Resintu Edifísiu Secretário de Estado de Cooperativas Akait, Díli, Segunda-feira ne’e.
Sua Eselénsia SECoop iha ninia diskursu husu ba diresaun hotu-hotu tenki servisu maka’as hodi ezekuta planu no programa ne’ebé mak planeia ona tuir kada trimestral.
“Hau nia feliz paskoa ba funsionáriu sira hotu nomos fó parabens ba ekipa ne’ebé maka responsavél ba isar bandeira nasionál ohin loron nian, tanba organiza ho diak. Agora ita tama ona trimestral daruak, husu ba diresaun hotu-hotu, haree ona planu no programa diresaun ida-idak nian, atu nune’e trimestre daruak ne’e, ninia ezekusaun tuir planu sira ne’ebé planeia ona, programa sira iha trimestre dahuluk ne’ebé maka seidauk ezekuta karik, sebele haree atu ezekuta iha trimestral daruak nian” afirma SECoop.
Iha serimónia isar Bandeira Nasionál ne’e, Gabinete Inspeksaun Auditoria (GIA), Inspektor Gaspar Policarpo Coreia maka sai komandante parada, no prezensa hosi Diretor Geral SECoop, Eng. Olderico Lopes, Xefe Gabinete, Eng. Leovogildo Belarmino, M.Sc, kargu diresaun, kargu xefia sira no funsionáriu sira iha ámbitu SECoop nian.
#Mídia SECoop#
