DUBAI CHAMBER INTERNASIONÁL HAKARAK INVESTE SEITOR KOMÉRSIU IHA TL.
Jakarta, 06 Maiu 2024, Sua Eselénsia Secretário de Estado de Cooperativas (SECoop), Eng. Arsénio Pereira da da Silva, M.Agr., Reprezenta Vise Primeiru Ministru no Ministru Koordenador Asuntus Ekonómikus (MCAE) no Ministru Turizmu no Ambiente (MTA), Francisco Kalbuady Lay akompaña hosi Diretór Ezekutivu Trade Invest, Arcanjo da Silva, Vise Presidente CCI-TL Asuntu Turismu, Sr. Zelindo Engelbert F. S. D. J. de Araujo, no Diretora Nasionál ba Empreendimentu, Atividade no Produtu Turistiku, Maria Ernestina Lopes, hosi Ministériu Turizmu no Ambiente hala’o reuniaun Bilateral ho Prezidenti no CEO Dubai Chamber Internasional ho ninia delegasaun iha Hotel Rafles, Jakarta, Indonesia.
Iha reuniaun ne’e ko’alia liu kona-ba servisu hamutuk hodi dezenvolve seitor komersiu iha Timor-Leste (TL) futuru oin mai.
“Hau mai Reprezenta Governu Timor-Leste hamutuk ho delegasaun hosi Trade Invest, CCITL no MTA hodi hala’o reuniaun Bilateral ho Prezidenti no CEO Dubai Chamber Internasional, Mohammad Ali Rashed Lootah, ko’alia kona-ba kooperasaun iha futuru, liu-liu iha oinsa maka parte Governu no seitor privadu sira bele fasilita Dubai Chamber Internasional hodi bele investe área komérsiu nian iha Timor-Leste” afirma SECoop.
Entretantu Dubai Chamber Internasional agora dadaun ninia edifísiu permanente estabelese ona iha nasaun hamutuk tolu nulu resin iha mundu tomak no planu ba tinan 2030 nian maka atu habelar ba nasaun 50 resin iha mundu.
Hafoin Remata Reuniuna ho Prezidente Dunai Chamber, Sua Eselénsia SECoop ho ninia delegasaun mos partisipa Forum Dubai Chamber no Indonesia iha refere mos.
#Mídia SECoop#.
