SECoop Sai Orador iha Semináriu “Ema ho Ekolojia vs Surplus”

Namalai, 5 Maiu 2024
Secretario de Estado Cooperativa (SECoop) nebe reprezenta husi Asesor Prinsipal Tekniku, Eng. Estanis Claudio da Silva partisipa iha Semináriu hodi sai hanesan mos Orador iha Semináriu nebe organiza husi Movimentu RAENAL hodi komemora mos loron Mundial Terra Madre no Trabalhador nebe hala’o ho Festival Terra Madre iha durante loron tolu husi dia 03 ate 05 de Maiu iha Aldeia Namalai, Suku Karau Ulun, Postu Administrativu Kristu Rei, Distritu Dili.
Iha Semináriu nee, asesor mos esplika katak Politika IX governu nian liu husi SECoop mak iha dadaun nee iha produtu item 5 nebe mak agora dadaun nee dezenvolve hela, primeiru mak BAFO (Batar Fos) Kayrala (Shorgum), Bani-Ben, Mina Kami’i, Gula-Merah, & Masin Timor.
Nia hatutan, Konseitu Kooperativa nee dalan ketiga antara Kapitaslizmu no Sosializmu, tanba kubu rua nee labele ona mak foin hamosu kooperativa. Tanba atu hasoru Kapitalizmu mak presiza tau forsa hamutuk, tau rekursu hamutuk mak foin bele halo buat ruma no Kooperativa nee laos kompetisaun.
Alende nee, nia mos esplika konaba termu humanu nebe moris iha aspeitu Sosiu, Ekonomia no kultural katak, ema nia isin mai husi rai sei fila ba rai, ran mai husi bee sei fila ba bee, iis mai husi anin sei fila ba anin, matan nee reprezenta loron ho fulan.
“Hau isin mai husi rai sei fila ba rai, hau nia ran mai husi bee sei fila ba bee, hau nia iis mai husi anin sei fila ba anin, hau nia matan nee reprezenta loron ho fulan. Tanba nee mak laiha termu ida mak independente ka hamriik mesak, ita iha inter-dependente, inter-koneksaun no relasaun. Tanba nee mak laiha termu ida mak independente ka hamriik mesak, ita iha inter-dependente, inter-koneksaun no relasaun”,Taka Nia.
Iha Semináriu nee hetan partisipasaun husi Universidade Nasional Timor Lorosae (UNTL), Universidade Nasional Dili (UNDIL), Movimentu no Komunidade nebe hela iha neba.
#Média_SECoop