Profile

Historia:

Cooperativa Jeralmente hahu iha tinan 1844 iha rai Inglatera no liu tiha tinan tolu moris Cooperative credito (Credit Union) iha rai Alemanha ho ninia ezistensia besik liu tinan 200 ona maka Cooperativa ejiste iha mundu liuliu populasaun Timor-Leste moris iha kultura soliedariedade no auto-suficiencia nu’udar asaun konkretu Cooperativa nian hanesan, “lia metan ka lia mutin” familia hamutuk hakma-an malu liu husi sosio, ka tau hamutuk beins ka osan hodi hakotu problema ne’ebe vizinhu ka family infrenta.

Luta ba Libertasaun Nasional lideransa sira hahu liu husi harii Cooperativa iha base hanesan; Prezidenti Nicolau Lobato harii Cooperativa iha susco Fahilebu sub distritu Bazartete, Distritu Liquica no Komisariu Politiku FRETILIN Vicente Reis (SAHE) harii Cooperativa iha Vemasse, Baucau, Suco Bucoli, Ostiku no Loilubu iha tinan 1974.

Objetivu husi lideransa sira harii Cooperativa iha tinan 1974, nu’udar instrument ka meiu ida atu sustenta luta, hahu luta harii Cooperativa laos deit meiu ekonomika maibe sai mos nu’udar sentru edukasaun patriotika, hotu-hotu halibur liu husi instrumentu ne’e tamba hamutuk atu servi, misaun principal maka hakbi’it ita nia luta hodi atinji ita nia independensia.

Cooperativa sai mos sentru ba edukasaun alfabetizasaun no formasaun politika, no iha Cooperativa moris mos asistente politiku barak iha kontestu iha ne’eba. Katak Dr. Mari Alkatiri, Ex. PM-RDTL iha Canossa Becora, iha Seminariu ne’ebe organiza husi FCCHM, 13 Agostu 2013

2000 iha tinan, Cooperativa credito hahu moris liu husi harii Cooperativa Fini Sorumutu tuir mos Cooperativa seluk no kresimentu Cooperativa credito husi tinan ba tinan aumenta ba beibeik.

Iha 20 Maiu 2002, I Governu Konstitusional simu pose iha ministeriu ida mak naran Ministeri Ekonomia no Dezenvolvimentu (MED), liu husi MED kria seksaun kona-ba Cooperativa, no iha 2008, Ministeriu ne’ebe hanesan hasae nivel Cooperativa nian ba Direcção Nacional das Cooperativas (DNC) ho funsaun halao edukasaun, promosaun, mobilizasaun no organizasaun ba Cooperativa, dirijente no funsionariu sira iha DNC kuaze mai husi movimentu Cooperativa tan-ne’e asegura funsaun hirak iha leten.

Vizaun

Hari sosiedade ida ho espíritu cooperativismu no forte finansialmente no ekonomikamente;

Misaun

Harí no promove ekonomia inkluzivu no la diskriminativu;

Hadiak cooperativa, no kria kondisaun ba empreza ki’ik sira atu sai fatór determinante ba dezemvolvimentu socioekonomiku;

Haburas cooperativa crédito atu sai intermediáriu ba asesu finanseira;

Hametin cooperativa, no Empreza ki’ik sira atu hala’o auto seguru ba nia-an;

Habelar cooperativa, Micro no empreza ki’ik sira atu hametin espiritu solidariadade no esperitu de kooperasaun;

Hamos cooperativa, Micro no empreza ki’ik sira ne’ebe la hatudu karakter solidarismu no kooperativismu;

Objektivu

Hari kultura Organizasaun ho espíritu solidariedade no espíritu ba kooperasaun;
Promove, kondisiona no fasilita atu sidadaun hotu hola parte iha vida cooperative;
Eduka, forma no kapasita ajentes, operadores atu servi diak liu membru coperativa enjeral;
Akompaña , monitoriza no reforsa cooperativa, Micro, Médiu no empreza ki’ik sira atu funsiona nu’udar instituisaun;
Mobiliza capital finanseira ba programa liña de crédito;
Reforsa cooperativa produsaun, grupos produtivos no individo sira hotu mak opera iha área agro-negósiu,agro-komérsiu, agro-turizmu, agro-pekuária no agro agrikultura atu iha produsaun ho kuantidade, kualidade no sustentabilidade.