Hametin cooperativa , Micro no Empresas sira atu sai instituisaun economiku ne’ebe iha kapasidade atu compete iha merkadu finanseira no kontribui ba kadeia de merkadu;
Habelar cooperativa, Micro no Empreza ki’ik sira ba ema hotu atu hari sociedade ne’ebe asosiadu, forte ekonomikamente no finansialmente; hamos cooperativa , micro no empresas ki’ik ne’ebe la hatudu karekter cooperativismu no espiritu de soliedariedade ; Hau rekoinhese katak iha loron 100 nia laran hau seidauk halo buat barak maibe hau fiar katak ho espiritu kooperativismu no sentidu de partense husi diretores, kargu xefias no agente hotu SECOOP nian ita sei hari aliserse cooperativa nia ida idak no forte ba futuru dezenvolvimentu cooperativa, Micro no empresa ki’ik sira nian atu kontribui ba kriasaun kampu trabalhu ne’ebe dignu no kontribui ba hasae kresimentu economiku no dezenvolvimentu socioeconomiku no dezenvolvimentu capital humanu.
Cooperativa, Micro no Empresa ki’ik sira hahu buras, la signifika susesu maibe ne’e parte husi progresu tamba dezenvolvimentu sempre lao hamutuk ho dezafius tan ne’e labele halo dezafius sai nu’udar obstakulu ba dezenvolvimentu cooperativa, Micro no Empresa sira nian maibe tenke nakfilak dezafiu ba oportunidade. Hau iha espetativa katak, sei iha mudansa barak kona-ba kresimentu economiku ; sei iha kompetisaun ne’ebe aas iha mundu Negosiu; no sei iha oportunidade barak liu iha mundu negósiu tan ne’e hau deklara katak ”Rejultadu ne’ebe boot presiza asaun ida boot, asaun boot presiza planu ida boot, planu ne’ebe boot presiza komitmentu ida ne’ebe boot, komitmentu boot presiza hanoin ne’ebe klean no posetivu”. Nuudar kooperativista labele tauk atu hahu tenki iha Korajen atu hahu tamba iha mundu “ La iha muru mak la rabun, la iha kriasaun ema nian mak perfeitu, asuntu ne’ebe koalia konaba dezenvolvimentu sempre iha melhoramentu “ mai ita kompriende no reflete hodi serbi ita nia sociodade no nasaun.
Hahu no hari ho humildade, Dezenvolve ho Honestidade no kontrola ho simplesidade, hamutuk serbi sociedade no hamutuk serbi nasaun. “ida ba ita hotu, ida ba ida”.
