SECOOP HAHU LOKE JANELA FOUN HO ACO/ICA-AP NO ANGKASA IHA MALAYSIA
Kuala Lumpur, 5 Maio 2024.
Secretário de Estado das Cooperativas (SECoop) Eng. Arsénio Pereira da Silva, M.Agr., akompaña husi Eng. Leovogildo Belarmino (Chefe de Gabinete e Coodenador ba Assuntu Koopersaun nian) no delegasaun husi SECoop no movimentu kooperativa Timor-Leste hahu halo ko-operasaun ho nasaun membru sira iha ASEAN Cooperative Organization (ACO), International Cooperative Alliance-Asia Pasific (ICA-AP) no Malaysian Cooperative Movement (ANGKASA), liu-liu oinsá mak bele fó apoiu ba movimentu kooperativa sira iha Timor-Leste hodi bele sai organizasaun ida forte no independentemente halo ligasaun ho ACO no ICA-AP.
Relativamente, kooperasaun ida ne’e mós hanesan inisiativa ida husi SECoop hodi responde prosposta husi Presidente ACO nian, S.E. Dato Abdul Fattah Abdullah hodi bele loke inisiativa foun ho Timor-Leste, liu-liu preparasaun movimentu sira iha setór kooperativa nian antes adezaun atu sai membru permantente ASEAN nian.
Relasiona ho inisitiava ida ne’e, maka ICA Asia and Pacific Credit & Banking Committee, ASEAN Co-operative Organization (ACO) & Malaysian National Cooperative Movement (ANGKASA) organiza konferésia ida ho tema ““CONFERENCE FOR COOPERATIVES IN FINANCIAL SECTOR ON FINANCIAL INCLUSION AND DIGITAL TRANSFORMATION” no konvida Timor-Leste atu bele partisipa no fahe esperiénsia no nakloke ba membru hodi oinsá mak bele hetan apoio hodi Timor-Leste iha movimentu kooperativa ida forte no potesialidade atu sai membru ACO no ICA iha future.
Alem de partisipa konferénsia refere, Sua Eselénsia SECoop haktuir katak, vizita offisial ida ne’e ho objetivu atu:
Loke diskusaun ba cooperation inisiativa foun ba setór koopepativa no buka dalan atu Timor-Leste bele sai assosiadu ba movimentu kooperativa ASEAN liuhusi ACO;
Atu halo introdusaun kona-ba kolaborasaun potensiál ho instituisaun governu relevantes iha Malaysia ne’ebé foka-liu ba area kooperativas;
Atu hetan mós inspirasaun ruma husi kooperativa sira selesionadu husi ANGKASA atu bele hetan esperiénsia no kuñesimentu hodi dezenvolve setór kooperativa iha Timor-Leste;
Ofisialmente atu konvida mós president ACO/ANGKASA nian hodi bele halo vizita ofisial ba Timor-Leste hodi bele kontinuan hametin relasaun iha setor kooperativas.
Vizita ofisial durante loron 4 ne’e, S.E. das Cooperativas ho ninia ekipa partisipa mós iha forum diskusaun sira ne’ebé iha realsaun ho finanseira inkluziva no transformasaun dijital, vizita banku povo nian, kooperativa kreditu sira, Ikatan Kooperasi Malaysia (IKMa), halo diskusaun mós ho nasaun membru ACO/ICA nian husi Brunei Darrusalam, Filipina, Indonesia, India, Korea de Sul, Thailand no seluk-seluk tan.
Buat hirak ne’e hotu, inisitiva ida ne’e hodi bele hahu loke plataforma foun ida setór kooperativas hodi bele nakloke ba kooperasaun ho organizasaun oi-oin iha nível nasional, regional no internasional ho intensaun ida ““LET’S COOPERATE & GROW TOGETHER” hodi alkansa dezenvolvimentu ekonnomia iha ita nia nasaun. “KA”
#Media_SECoop
