Covalima, 27 Maiu 2024, Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr., akompaña hosi Sekretaria Autoridade Munisípiu Covalima ba Asuntu Sosial no Organizasaun Komunitaria, Filomeno Cardoso hala’o lansamentu promosaun produtu final hosi Batar no Fos (Bafo) Kayrala ba Estudante Ensinu Báziku Central Salele, hodi nune’e bele hamenus produtu importantasaun hosi rai liur.

SECoop iha ninia intervensaun hateten katak IX Governu Konstitusionál nian liu hosi Secretaria de Eatado de Cooperativas hili Produtu Bafo Kayrala sai produtu prima tanba produtu refere hun ida deit bele diversifika sai produtu final kuaze 30 resin.

“Sai Jerasaun foun no jerasaun kontinuadór ba dezenvolvimentu rai ida ne’e nian, tenki konsumu hahan nutritivu no produz rasik hosi ita nian inan aman sira, hodi nune’e bele fó transforma ita nia rasinu nomos ninia nutrisaun ne’ebé maka diak ba ita nia saúde. Programa IX liu hosi SECoop ninia programa maka halo produsaun ba Batar no fos (Bafo) kayrala hodi halo panifiksaun sai dose, pão, bolinus, sasoro, cokelate no selu-seluk tan depois fornese ba merenda eskola” afirma SECoop

Iha tempu hanesan Sekretaria Autoridade Munisípiu Covalima ba Asuntu Sosial no Organizasaun Komunitaria, Filomeno Cardoso, haksolok tebes ba programa IX Governu nian hodi produz Bafo Kayrala no husu ba produtor sira atu kontinua kuda produtu refere iha rai produtivu sira ne’ebé sei abandona hela.

Enkuantu estudante sira hosi EBC Salele hamutuk ema nain 1052, no SECoop hili Eskola refere maka sai projeitu pilotu ba dahuluk hodi fornese produtu final Bafo Kayrala.
Prezensa iha seremónia ne’e maka hanesan, Administrador Postu Administrativu Tilomar, Reprezentante PNTL Munisípiu Covalima, Diretor Eskola, no manorin nain sira.

Mídia SECoop