Díli, 20 Maiu 2024, Secretário de Estado de Cooperativas (SECoop), Eng. Arsénio Pereira da Silva, M.Agr., Partisipa iha Serimónia Komemorasaun Loron Restaurasaun Independénsia Timor-Leste (TL) ba dala XXII, ho tema “Hametin Instituisaun Estadu hodi Servi Povu”, ne’ebé hala’o iha Palásiu Prezidente Nicolau Lobato, Bairo-Pite.

Iha serimónia espesiál ida ne’e, Prezidente Republika, Jose Ramos-Horta fó onra Grande Colar husi orden Timor-Leste ba Sultan Brunei Darussalam, Haji Hassanal Bolkiah, ne’ebé sai mos nu’udar konvidadu espesiál ba onra iha selebrasaun aniversáriu loron Restaurasaun Independénsia Timor-Leste ba dala 22.

Prezensa iha serimonia ne’e maka hanesan, Primeiru-Ministru (PM), Kayrala Xanana Gusmão, hamutuk ho membru Goverñu sira, Prezidente Parlamentu Nasionál ho membru sira, Prezidente Tribunál Rekursu, Komandante Jerál PNTL, Komisariu Jeral, Sr. Henrique da Costa, Xefi Estadu Maiór F-FDTL, Tenente Jenerál, Falur Rate Laek, Korpu Diplomata, eis titular sira, sosiedade sivil no-mos komunidade no estudante sira iha Kapital Dili.

#Mídia SECoop#.