SECoop Partisipa Asembleia Geral CU LANAMONA
Aileu, 17 Maiu 2024
Secretario de Estado de Cooperativas nebe reprezenta husi Diretor Geral Eng. Olderico Lopes ba partisipa Asembleia Geral Creditu Union (CU) LANAMONA ho Tema “Hut La Hutun Id, Boa La Boan Id”, nebe hala’o iha Salaun Combatente da Libertação Nacional Comando Politica Militar, Aileu Vila.
DG nia intervesaun iha Asembleia Geral katak bazeia ba Konstituisaun RDTL hakerek katak iha Pilar tolu nebe importante ba dezenvolvimentu Ekonomia Nasional mak, Seitor Publiku, Seitor Privadu no Seitor Kooperativa. Governu hanesan reguladora, fasilitadora no motivadora ho ninia politika oinsa mak atu fo asistensia, buka dalan oi-oin atu kooperativa sira bele iha sustentavel tuir prinsipius kooperativa.
Aleinde nee, DG mos apresia no fo parabens ba CU LANAMONA tanba konsege halo ona ekspansaun Credito Union nee ba Munisipio haat mak hanesan, Munisipio Bobonaro, Munisipio Ermera, Munisipio Aileu no Munisipio Dili.
Tuir dadus, Nia hatutan tan katak Kooperativa hamutuk 219 koperativas iha teritori Timor laran tomak, maibe barak liu mak Kooperativa Credito Union nebe hamutuk 160 no ida nee fo ona kontribusaun maka’as ba dezenvolvimetu Timor-Leste, maibe laos ida nee tanba iha Politika Secretario de Estado de Cooperativas iha IX Governu hakarak atu iha mos Kooperativa iha area produsaun, alerta nia.
Iha Asembleia nee hetan partisipasaun husi membru kooperativa husi munisipiu haat, Reprezentante membru Governu, Membru Parlamentu Nasional, Komando PNTL Aileu no Kolegas Jornalista sira.
#Média_SECoop
