TL Partisipa UN Tourism iha Bali Indonesia.
Bali, 02 Maiu 2024, Sua Eselénsia Secretário de Estado das Cooperativas (SECoop), Eng. Arsénio Pereira da Silva, M.Agr., Ministro Turismo e Ambiente, Francisco Kalbuady Lay partisipa Konferensia “The 2nd UN Tourism Regional Conference on the Empowerment of Women in Tourism in Asia and the Pacific”, durante loron tolu nia laran hahú hosi loron 02 to’o 04 Fulan Abril Tinan 2024, iha Nusa Dua, Bali, Indonesia.
Iha Konferensia ne’e loke direita husi Vise Ministra Turizmu no Ekonomia Kreativu Indonesia, Angela Herliani Tanoesoedibjo no kontinua kedas halo aprezentasaun materia ho tema ” Women in Turism industry leadership: Highlighting Achievements and acknowledging the changes of women leaders in the tourism sector”.
Enkuantu panelista hirak ne’e mai hosi nasaun Asia no Pasifíku sira maka hanesan, Ministra Turrizmu no Hoteraria Myanmar nian, Dr. Thet Thet Khine, Vise Ministra Turizmu no Ekonomia Kreativu Indonesia nian, Angela Herliani Tanoesoedibjo, Deputy Minister of information Culture and Tourism, Loas People Democratics Republics, Darany Phommavongsa, Deputy Minister of Tourism, Maldives, Mariam Naseheetha Nasheed, no Diretor, Smart Investments Ltd, Samoa/ Former CEO, Tourism Authority, Sonja Hunter.
Nasaun Asia no Pasifíku sira ne’e maka partisipa Konferensia hanesan, Indonesia (uma nain), Maldives, Samao, Malaysia, Thailandia, Filipina, Vietnam, Brunei Darussalam, Lao PDR, Cambodia, Myanmar no Timor-Leste.
#Mídia SECoop#
