“HAU APRÉSIA HO KOOPERATIVA BUDAHANRA NINIA INISIATIVA HODI KULTIVA BAFO NO HUSU ATU KULTIVA NAFATIN BA RAI PRODUTIVU NE’EBÉ SEI ABANDONA HELA”
Loes, 24 Abril 2024, Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr., hamutuk ho Sekretáriu ba Asuntu Sosiál Munisípiu Liquiça nian hala’o kuilleta ba Bafo Kayrala hamutuk hektares lima iha área Kaybair-Loes, Postu Administrativu Maubara, Munisípiu Liquiça.
Bafo Kayrala ne’e kuktiva hosi Sub Kooperativa Multi-Sektoriál Buka Dalan Harii An Rasik (BUDAHANRA) nian ih Aldeia Kaybair, Suku Vatovou, Postu Maubara.
Programa IX Governu Konstitusionál liu hosi Secretaria de Estado de Cooperativas (SECoop) nian Primeiru maka produz Bafo Kayrala sai fariña hafoin produz sai pão hodi fornese ba merenda eskolar hamutuk ho produtu lokal sira seluk, la’os atu produz deit, maibe hahú prosesu hosi hulu to’o hilirisasi, liu-liu iha prosesu hilirisasi ba to’o konsumedor sira, ida ne’e maka Secretaria de Estado sei tau atensaun maka’as. Bainhira prosesu hahú hosi hulu to’o hilirisasi maka la’o, fiar katak produtor sira no Kamponezes sira ne’ebé involve direita sei krése ekonomia familiar nian, hodi halo mudansa ba moris.
Sua Eselénsia SECoop iha ninia intervensaun aprésia ba Kooperativa Multi-Sektoriál Budahanra ho ninia membru tomak ne’ebé iha inisiativa rasik hodi kultiva Bafo Kayrala.
“Hau agradese ba Kooperativa Multi-Sektoriál Budahanra ne’e maka iha inisiativa rasik hodi kultiva ona Bafo Kayrala hamutuk hektares lima iha área ida ne’e, husu ba movimentu kooperativa sira atu Produz halo barak liu tan, iha área Produtivu sira ne’ebé maka sei abandona hela, tanba dalan atu hasa’e ekonomia familiar nian maka tenki liu hosi dalan Kooperativa, liu-liu hasa’e produsaun agrikula” Afirma SECoop.
Governante ne’e mos komprometidu sei fasilita no apóiu makiña propriu ba prosesamentu produtu Bafo Kayrala nian, tanba agora dadaun produtór sira uza hela sistema tradisional ka manuál.
Iha tempu hanesan Prezidenti Kooperativa Multi-Sektoriál Budahanra, Herminio dos Santos hateten katak, fó agradese ba Sua Eselénsia SECoop ninia prezensa bele motiva diak liu tan, hodi nune’e bele produz halo barak liu tan.
Entretantu Kooperativa Multi-Sektoriál Budahanra harii iha Suku Ulmera, Postu Administrativu Bazartete, Munisípiu Liquiça, iha loron 5 Abril tinan 2013 ho ninia membru fundadór hamutuk ema nain 16, agora dadaun akumuka ona kapitál atinji ona osan hamutuk 49.147,43 cent.
Prezensa iha seremónia ne’e maka hanesan, Xefe Gabinete SECoop, Eng. Leovogildo Belarmino, M.Sc, Diretór Nadionál, Higino Baros, Reprezentante Administrador Postu Administrativu Postu Maubara, Reprezentante Komandante PNTL Eskuadra Postu Maubara, Prezidente MOKATIL, Helio Dias, Prezidente MOKATIL Munisípiu Ermera no Liquiça, inklui produtór sira.
“Servisu Hamutuk Halo Mudansa”
