Liquiça, 22 Abril 2024, Sua Secretário de Estado de Cooperativas (SECoop), Eng. Arsénio Pereira da Silva, M.Agr., akompaña hosi Koordenadór SECoop Munisípiu Liquiça, Noberto Rêgo hala’o reuniuan ho Prezidente Autoridade Munisípiu (PAM) Likisa, Paulino Ribeiro iha nia kna’ar fatin hodi koordena serivu kona-ba progresu dezenvolvimentu seitor Cooperativas nian iha Munisípiu Liquiça.

Iha reuniaun ne’emos Sua Eselénsia SECoop rekomenda ba PAM Liquiça atu identifika rai estadu nian ne’ebé sei abandona hela, hodi bele atribui Secretaria de Estado de Cooperativas atu nune’e tinan oin bele tau osan hodi konstrui ba Edifísiu SECoop Munisípiu Liquiça nian.

Iha tempu hanesan, PAM liquiça, Paulino Ribeiro agradese ba Sua Eselénsia SECoop ninia vizita, liu hosi vizita ne’e, bele hametin liu tan liña koordenasaun servisu, liu-liu oinsa maka bele dezenvolve seitor Cooperativa nian iha Munisípiu Liquiça.

PAM mos haktuir tan katak, reuniaun ona ho Reprezentante Movimentu Kamponezes Timor-Leste (MOKATIL) hodi ko’alia kona-ba fornesementu produtu lokal ba merenda ekolar nian, liu-liu produtu Bafo Kayrala hamutuk ho produtu sira seluk, tanba iha trimestrál dahuluk merenda eskolar iha Munisípiu Liquiça lahala’o.
Entretantu total Kooperativa sira ne’ebé maka ejisti iha Munisípiu Liquiça hamutuk 12, kompostu hosi, Kréditu Uniaun 7, Produsaun 2, no Multisektorál 3, ho ninia membru hamutuk ema nain 1785 no ninia kapital hamutuk $ 190.542, 61 dollar Amerikanu.

Mídia SECoop