SECoop HO ADRA KOMPRIMÍSIU ATU KAPASITA MOVIMENTU COOPERATIVA SIRA
Díli, 19 Abril 2024, Secretaria de Estado de Cooperativas (SECoop) ho Adventista Dezenvolvimentu no Asisténsia (ADRA) selebra asinatura ba Memorandu Entendimentu hodi fasilita formasaun no kapasitasaun ba movimentu Cooperativa sira ne’ebé maka organiz ho ADRA, iha Salaun Reuniaun Gabinete SECoop Akait Díli.
Sua Eselénsia SECoop iha ninia intervensaun hateten katak, akordu ne’e kontinuasaun hosi Governu anterior ne’e hala’o ona no dadaun ne’e renova hodi nune’e kontinua servisu hamutuk ba futuru.
“Akordu ida ne’e atu kesi parte SECoop no ADRA hodi hala’o servisi iha terenu, tanba objetivu final maka hasa’e krésimentu ekonomia familiar membru Cooperativa sira nian” afirma SECoop.
Gorvernante ne’e mos aprésia ADRA ninia servisu maka’as hodi fó apoiu no forma Grupu agrikula sira iha área rural sira.
Nune’e mos Diretora Ezekutivu ADRA, Virginia Pycorft relata katak durante sira nia ejiténsia fasilita ona Grupu Agrikula sira hamutuk 12 iha Munisípiu Viqueque ho ninia membru hamutuk ema nain 947, Grupu hirak ne’e parte SECoop fasilita ona formasaun bazika hodi transforma ona ba Cooperativas, sira nian atividades maka hanesan, produsaun mina nu, produsaun rebosadu hosi ailia, no rai no impresta ka Créditu Union.
Entretantu asina sinatura ba Memorandu Entendimentu asina hosi Diretor Geral SECoop, Eng. Olderico Lopes no Diretora Ezekutivu ADRA, Virginia Pycorft asiste hosi Sua Eselénsia SECoop nomo kargu diresaun no xefia sira.
