Covalima, 17 Abril 2024, Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr., hamutuk Administrador Postu Administrativu Tilomar, Diretor Geral SECoop, Eng. Olderico Lopes, Reprezenta Komandante PNTL Munisípiu Covalima, Vise Prezidenti Movimentu Kamponezes Timor-Leste (MOKATIL) , Reprezenta WFP, nomos produtór sira kontinua hala’o lansamentu kuda Kuilleta Bafo Kayrala hamutuk hektares 9 iha Maudemo, Postu Administrativu Tilomar, Munisípiu Covalima.

Entretantu rai ne’ebé maka produtor sira prepara iha Munisípiu Covalima hamutuk hektares 160, balun kuda ona, balun funan ona, balun foin maka atu kuda no ida tasak ona atu kuilleta maka hamutuk hektares 28 iha fulan ida ne’e.

“Produtu Bafo Kayrala ne’e ita ladun preokupa ba tempu atu kultiva, tanba ita bele kuda iha kualker tempu no fatin, hanesan iha tinan uluk ita kuda, udan nunka kona maibe ikus mai ita Kuilleta hatudu ninia rejultadu diak. Bafo kayrala ne’e rasik mos tama ona iha menu merenda eskolar hodi reprezenta Karbohidrat hamutuk ho produtu sira seluk”afirma SECoop hafoin kuilleta Bafo Kayrala.

Secretario de Estado de Cooperativas haktuir iha Timor sempre menus aihan atu Konsumu, maibe ho Bafo Kayrala ida ne’e hau hanoin bele subtitui difisit aihan ne’ebé maka sempre infrenta, hodi konsumu rai laran, ita hotu hatene mos Bafo Kayrala ne’e rasik mos sai materia prima industria, hafoin prosesa sai aihan ba ema no ninia residus sira sai aihan ba animal, Bafo kayrala hun ida deit bele produz ba produtu final hamutuk 30 resin, hatuir SECoop.

Ikus liu Gorvernante ne’e mos komprometidu sei fasilita produtor sira iha post kuilleta ne’e, semi manual, hanesan fó apoíu makiña rontok, dulas no selu-seluk tan.

Prezensa iha seremónia ne’e mos, Komandante PNTL Eskuadra Tilomar, iretór Nacional de Planeamento Integrado de Produçãó e Gestão de Cooperativas (DN-PIP-GC), Higino Barros no Xefe Departamentu Rekursu Umanus, Adélia da Silva nomos funsionáriu sira SECoop.

Mídia SECoop#.