Covalima, 15 Abril 2024, Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr hala’o enseramentu ba formasaun bazika kona-ba lala’ok Kooperativas nian ba Grupu Produsuan Agrikula iha Maudemo, ikus desidi hodi trasnforma-aan sai Kooperativa Multi-Sektorál TANE TETUK iha Suku Maudemo, Postu Administrativu Tilomar, Munisípiu Covalima.

Programa Secretaria de Estado de Cooperativas (Secoop) iha IX Governu Konstitusionál nian maka husu ema hotu atu involve-aan iha kooperativa hodi servisu hamutuk halo mudansa, hasa’e krésimentu ekonomia familiar nian.
“Ita hotu senti kontente, tanba ho formsaun durante loron haat nia laran, ikus mai hamosu kedan Kooperativa Multi-Sektorál TANE TETUK, ne’ebé Maka hamoris hosi Movimentu Kamponezes Timor-Leste (MOKATIL), ita atu hasa’e kresimentu ekonomia familiar nian maka úniku tenki liu hosi dalan Kooperativa” afirma SECoop.

Iha tempu hanesan Prezidenti Kooperativa Multi-Sektorál TANE TETUK, Moises Amaral fó agradese SECoop tanba bele fasilita ona formasaun bazika Kona-ba lala’ok Kooperativas nian basira, husu nafatin halo akompañamentu no formasaun kontinuasaun ba sira, hodi nune’e bele iha ninia sustentabilidade ba futuru.

Prezensa iha seremónia ne’e maka hanesan, Reprezentante Komandante PNTL Munisípiu Covalima, Diretór Nacional de Planeamento Integrado de Produçãó e Gestão de Cooperativas (DN-PIP-GC), Higino Barros no Xefe Departamentu Rekursu Umanus, Adélia da Silva, Xefe Departamentu, Natália Rocha, no Prezidenti MOKATIL Munisípiu Covalima.

#Mídia SECoop#