SECOOP HO BCTL KOMPRIMÍSIU ATU SERVISU HAMUTUK BA REALIZASAUN LITERASIA FINANSEIRA NO DIGITALIZASAUN
Díli, 11 Abril 2024, Secretaria de Estado de Cooperativas (SECoop) ho Banco Central de Timor-Leste (BCTL) selebra assinatura ba Memorando de Entendimento iha area literasia finanseira no digitalizasaun ne’ebé mak hala’o iha Salaun enkontru Gabinete SECoop nian iha Acait Díli.
Objetivu hosi Nota Entendimentu ne’e maka hanesan, primeiru oinsa promove inkluzaun finanseiru katak servisu finanseiru ne’e nian too ema hotu-hotu, liu-liu povu sira hela iha área rural no remota sira, segundu liu hosi akordu ne’e SECoop no BCTL servisu hamutuk ba investimentu emprezas mikro, kiik no médiu sira ne’ebé maka fasilita atividades membru Cooperativa sira hala’o liu-liu iha área rural sira no terseiru liu hosi akordu ne’e SECoop servisu ho BCTL hodi suporta cooperativa sira iha teritóriu laran tomak promove nivel Konsumu tantu membru cooperativas no familiar.
Hafoin remata Asina akordu Governado BCTL, Helder Lopes hateten katak, akordu ne’e hanesan kontinuasaun hosi akordu ne’ebé maka hala’o tiha ona Entre Governador BCTL no SECoop iha Governasaun anterior, agora ita renova akordu ne’e, hodi kontinua servisu hamutuk too mandatu SECoop agora nian remata.
“Ba ami BCTL objetivu tolu ne’e importante teb-tebes tanba ne’ebé liu hosi kooperasaun ida ne’e hamutu ho SECoop sei implementa buat rua maka hanesan sei fasilita formasaun finanseira ba Cooperativa kréditu union sira no servisu hamtuk hodi superviziona, monitorizasaun no halo akompañamentu ba Cooperativa kréditu uniaun iha teritóriu laran tomak” afirma Governador
Iha tempu hanesan, Secretário de Estado de Cooperativas (SECoop), Eng. Arsénio Pereira da Silva, M.Agr., reforsa tan katak asinatura ida ne’e kontinuasaun hosi Governu anterior nian, maibe halo revizaun uituan hafoin asina, hodi nune’e aliña ho programa no SECoop nian iha IX Governu Konstitusionál, importanten maka liu asina akordu ne’e bele fó benefísiu direita ba povu sira iha área rural no remotas sira.
Prezensa iha seremónia ne’e husi ekipa BCTL no SECoop inklui mós prezensa husi federasaun kooperativa sira ne’ebé mak reprezenta kooperativa sira iha Timor-Leste.
