Aileu 05 Abril 2024, Sua Eselénsia Secretário de Estado de Cooperativas (SECoop), Eng. Arsénio Perereira da Silva, M.Agr akompaña hosi Secretário Munisípiu Ermera ba Asuntu Administrasaun no Finansas no Prezidenti Cooperativa Créditu Union Rai Osan Hamutuk Liberta Kiak (CU ROHALIK), Mario Madeira Soares kuilleta Bafo Kayrala hamutuk hektares rua iha Aldeia Tabulasi, Suku Seloi Kraik, Postu Administrativu Aileu, Munisípiu Aileu.

Sua Eselénsia SECoop hafoin kuilleta Bafo iha ninia diskursu fó parabens ba kamponeze sira iha área refere tanba servisu maka’as maka ninia rejultadu ikus hatudu diak no orienta kedan kedan Movimentu Kamponezes Timor-Leste (MOKATIL) Munisípiu Aileu no Ermera atu servisu hamutuk hodi halibur hotu produtu Bafo ne’ebé maka kuilleta hodi ba rai iha sentru sira hodi nune’e prepara ba fornesementu merenda eskolar.
“Hau fó parabens ba ita boot sira, tanba servisu maka’as ohin ita kuilleta hatudu rejultadu diak, produtu hirak ne’e kuilleta hótu sei tau iha sentru MOKATIL hodi nune’e fornese ba merenda eskolar” Subliña SECoop.

Iha tempu hanesan kamponezes Aldeia tabulasi senti kontenti tanba foin maka dahuluk Governante ida vizita sira nia ne’e hanesan grasa boot ida, husu ba SECoop atu ba futuru atu implementa nafatin programa kuda Bafo kayrala iha sira nia fatin, tanba rai produtu barak maka sei abandona hela.

Prezensa iha seremonia ne’e maka hanesan, Reprezenta Agrikultura Munisípiu Aileu no Ermera, reprezenta komandante PNTL Munisípiu Ermera, reprezenta autoridade lokal, funsionáriu SECoop destakadu sira iha Munisípiu Aileu, Ermera, Liquisa, Bobonaro nomos kamponeze sira.

#Mídia SECoop#