SECoop Partisipa Jogu Amizade Entre Membru IX Governu Konstitusionál ho PNTL.
Díli, 23 Marsu 2024; Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr., partisipa Jogu Futebol amizade entre membru IX Governu konstitusional hasoru Instituisaun Polísia Nasional Timor-Leste (PNTL) iha ámbitu komemorasaun loron PNTL ba Dala 24, iha estadium Munisipal Dili.
Iha Jogu Amizade ne’e, ekipa Membru IX Governu Konstitusionál Lidera hosi Ministru Interior (MI), Francisco Guterres no Ekipa PNTL Lidera hosi Komadante Jerál Polísia Nasionál Timor-Leste (PNTL), Komisariu Polísia Henrique da Costa, liu hosi rítmu jogu ne’ebé maka ekipa rua hatudu amigavel tebes no Espiritu desportivu, ekipa hosi PNTL halakon ekipa membru IX Governu konstitusional ho rejultadu 2-0.
Prezensa iha Jogu ne’e maka hanesan, Ministru Justisa, Sergio Hornai, Sekretáriu de Estadu Floresta, Sekretáriu de Estadu Arte no Kultura, Jorge Cristovão, Sekretáriu de Estadu Komunikasaun Sosial, Expidiro Dias Ximenes no Sekretáriu de Estado Dezenvolvimentu Lokal, Mateus Tallo.
#Mídia SECoop#
