Secretaria de Estado de Cooperativas Realiza Reuniaun Alargada ho Funsionáriu sira.
Díli, 22 Marsu 2024: Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr., loke reuniaun Alargada ho funsionáriu sira hotu ámbitu Secretaria de Estado de Cooperativas nian iha Salaun Komisaun Nasionál Elisaun (CNE) Díli.
Reuniaun ne’e, inisiativa mai hosi Sua Eselénsia SECoop rasik no organiza Sorumutuk ne’e Diresaun Naisionál Gestaun Rekursu Umanus. Ho objektivu atu funsionáriu sira kuiñese malu diak liu tan entre funsionáriu ho Diretór Geral, GIA, kargu diresaun, Kargu xefia no funsionáriu sira inklui kada diresaun hato’o sira nia planu no programa durante hala’o ona, no preparasaun ba futuru.
Entretantu Forsa traballu iha Secretaria de Estado de Cooperativas (SECoop) hamutuk ema nain 430, kompostu hosi funsionáriu Permanente ema nain 40 no restu funsionáriu ajenti administrativu, funsionáriu kazuais no termu sertu.
Iha SECoop rasik Diresaun Geral ida, Gabinete Inspeksaun Auditória ida ho ninia Subinspektor ida, Diresaun Naionál Ualu maka hanesan, Diresaun Nasionál Administrasaun Finanças (DNAF), Diresaun Nasionál Aprovizionamentu no Logistik (DNAL), Diresaun Nasionál Planu no Programa (DNPP), Diresaun Nasionál Dezenvolvimentu Cooperativas (DNDC), Diresaun Nasionál Promosaun Produtus Cooperativas (DNPPC), Direção Nacional de Polítika da Reforma e Kapasitação em Gestão de Cooperativas (DNPRKGC) no Direção Nacional Planeamento Integrado de Produçãó e Gestão de Cooperativas (DN-PIP-GC), no xefe Departamentu hamutuk Sanulu resin.
Reuniaun ne’e hala’o durante loron ida, prezensa hosi, Diretór Geral SECoop, Eng. Olderico Lopes, Gabinete Auditoria Inspeksaun (GIA), Inspektor Gaspar Policarpo Correia, Xefe Gabinete SECoop, Leovogildo Belarmino, M.Sc., kargu diresaun, kargu Xefia, asesor sira inklui funsionáriu Nasionál no funsionáriu destakadu sira hosi munisípiu.
#Mídia SECoop#
