SECoop Kuilleta Bafo Kayrala Hektares rua resin iha Aileu Vila.

Aileu, 18 Marsu 2024, Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr., hamutuk Secretário Asuntu Sosiál Munisípiu Aileu, Administrador Postu Administrativu Aileu Vila, Reprezentante PNTL Munisípiu Aileu, Xefe Suku Liurai, Prezidenti MOKATIL Munisípiu Aileu nomos kamponezes Segunda-Feira lokraik ne’e, kontinua kuilleta Batar no fós (Bafo) Kayrala hamutuk hektares rua resin iha Aldeia Bandeirahun Suku Liurai, Postu Administrativu Aileu Vila, Munisípiu Aileu.

Polítika IX Governu Konstitusionál nian líu hosi Secretaria de Estado de Cooperativas nian ne’ebé maka aprova iha Parlamentu Nadionál ba Tinan lima nian maka foka liu ba Cooperativas Produsaun Agrikula, ho ninia produtu prima maka Bafo Kayrala maibe integradu ho produtu sira.

Hafoin kuilleta Sua Eselénsia SECoop iha ninia intervista enkoraja Nafatin ba kamponezes sira atu kontinua Produz halo barak liu tan, tanba produtu refere iha nutrisaun diak ba ema no animal nia saúde.

“Hau fó parabens ba kamponezes sira, kuda Fulan Haat ba kotuk ohin ita Kuilleta hatudu rejultadu ne’ebé maka diak, Bafo Kayrala ne’ebé maka ohin ita Kuilleta ne’e, tama ona iha lista menu merenda eskola hodi reprezenta karbohidrat hamutuk ho produtu sira seluk, maibe labele fokus ba produtu ida ne’e deit, maibe tenki halo produsaun integradu ho produtu sira seluk inklui hakiak animal” afirma SECoop.

Secretário de Estado de Cooperativas haktuir tan produtu ida ne’e mos lahare ba tempu, udan ka bailoron, maibe kuda iha kualker tempu no kualker fatin.

Enkuantu Prezidenti MOKATIL Munisípiu Aileu relata katak, total rai identifikadu kuda ona Bafo hamutuk 20 hektares iha Munisípiu Aileu,  kompostu hosi suku Liurai hektares sia, Postu Lequidoe hektares rua, Remixio hektares hitu no Postu Laura hektares lima, durante Tinan 2024 kuilleta ona Bafo Kayrala hamutuk hektares haat.

#Mídia SECoop#.