Dirijente hosi  Autoridade Tributaria, SERVE, I.P., DGSRN no SECoop rasik Diskuti Koordensaun Servisu.

Díli, 18  Marsu 2024, Sua Eselénsia Secretário de Estado de Cooperativas (SECoop), Eng. Arsénio Pereira da Silva, M.Agr., loke sorumutuk  konjunta dirijenti sira hosi liña ministeriál hanesan, Servisu Rejistu no Verifikasaun Emprezariál I.P. (SERVE), Direção-Geral dos Serviços de Registos e Notariado (DGSRN) Ministério Justiça nian, Autoridade Tributaria hosi Ministério das Finanças nian no Secretaria de Estado de Cooperativas (SECoop) rasik.

Entretantu reuniaun ne’e rasik Organiza hosi Diresaun Geral hamutuk ho Diresaun Téknika sira iha Sala Reuniaun SECoop Akait durante loron ida.

Polítika IX Governu Konstitusionál nian maka atu dezenvolve Cooperativa ho ba konstiuisaun RDTL Artigu 50, númeru 5 ne’ebé ko’alia kona-ba Estadu haburas kriasaun Cooperativas produsaun, iha Artigu 59, numeru 4 mensiona katak estadu rekuñese no fiskaliza eskola particular no Cooperativa sira, Artigu 115 Alina m konstiuisaun RDTL hateten, Governu nia knar maka haburas Dezenvolvimentu seitor Cooperativa no tulun ba produsaun familia nian,  inklui Artigu 138 koalia Kona-ba atu Hasa’e ekonomia iha rai laran ne’e iha seitor tolu maka hanesan Seitór Públiku, Privadu no Cooperativa rasik.

Sua Eselénsia SECoop iha ninia diskursu hateten katak Reuniaun ne’e importante tebes atu halo harmonizasaun ba instituisaun ida-idak ninia Servisu.

“Konvokatóriu reuniaun ida ne’e, Ita halo harmonizasaun ba instituisaun ida-idak ninia papel, hodi nune’e bainhira halo implementasaun iha terenu karik labele soke malu iha dalan klaran, ninia rejultadu final maka atu fó benefísiu povu no rai ida ne’e” afirma SECoop.

Enkuantu prezensa Autoridade no SERVE. IP ne’e atu fó ideia alternativu ruma hodi nune’e bele solusiona problema hirak ne’ebé maka movimentu Cooperativas sira hasoru, liu-liu membru sira atu partisipa iha atividade Komersializasaun nian, oinsa maka bele rejistu iha SERVE. IP hodi hetan TIN. Polítika Sua Eselénsia SECoop nian ba futuru ne’ebé sei estabelese Federasaun iha kada munisípiu, ho ida ne’e maka prezensa hosi DGSRN Ministério Justiça bele haklean liu tan informasaun Kona-ba prosesu no rekizitu atu Cooperativa Sekundaria no terseira Federasaun no Konfederasaun) iha notariadu.

Total Cooperativa sira ne’ebé maka agora dadaun Registu iha SECoop hamutuk 219, hosi Ramos 16, balun mos rejistu ona iha Registu Servisu Notariadu nian, ho ninia kapital hamutuk millaun 15 resin dollar Amerikanu.

Prezensa iha Sorumutuk ne’e maka hanesan, Reprezentante Autoridade Tributaria, Ostialina Maria da C. Belo, Reprezentante DGSRN, Xefe Departamentu, Maria  da Costa, Diretor Geral SECoop, Eng. Olderico Lopes, Gabinete Inspeksaun Auditória (GIA), Inspektor Gaspar Policarpo Correia, Xefe Gabinete SECoop, Eng. Leovogildo Belarmino, M.Sc., Kargu Diresaun sira, kargu xefia sira no Asesor sira.

#Mídia SECoop#