Sekretáriu Estadu Kooperativa ho ninia Delegasaun husi Timor-Leste tuir Simeira Negosiu Inkluzivu ASEAN nian ba da-VI
Bali, 22 Agostu 2023
Sekretáriu Estadu Kooperativa (SECoop) S.E. Eng. Arsénio Pereira da Silva, M. Agr, akompaña husi Xefe Gabinete, Eng. Leovogildo Belarmino, M.Sc., Eng. Francisco Xavier, MPP no delegasaun sei reprezenta Ministru Assuntu Ekonomia Timor-Leste hodi partisipa iha Simeira Negósiu Inkulzivu ASEAN nian ba da-IV iha Bali-Indonézia.
Delegasaun ne’e simu direita husi konsuladu Timor-Leste nomós delegasaun ASEAN nian iha Bali hodi halo preparasaun atu partisipa iha simeira refere ne’ebé mak tuir planu sei realiza iha Mulia Resort, Nusa Dua Bali-Indonezia husi loron 23 to’o 25 fulan Agostu tinan 2023.
Objetivu hosi enkontru nível a’as ida-ne’e mak atu korresponde ba konvite husi S.E. Ministru Kooperativa no EPM husi Repúblika Indonézia atu bele observa, aprende no hatene didi’ak liu tan kona-ba progresu inisiativa nian ho objetivu atu kontribui no fahe ita-nia esforsu sira ne’ebé iha ona no preparasaun ba futuru futuru hodi bele kria rejiaun ida-ne’ebé reziliente liu no bele responde ba dezafius ohin loron no akontese iha tempu oin mai bainhira TL adere ona nudar membru ASEAN.
Sorumutu nível alto ida-ne’e, sei prezide husi S.E. Teten Masduki, Ministru Kooperativa no SME sira, no sei hetan partisipasaun husi membru nasaun ASEAN sira hanesan Malazia, La’o PDR, Tailandia, Brunei Darussalam, Singapura, Vietnam, Sekretariadu ASEAN no ESCAP.
# Media_SECOop#
