SECOOP hala’o Reuniaun Ho UE, UNCDF, Kompania Telemor Fintech, no Fundasaun Tuba Rai Metin.
Díli, Sesta-Feira, 11 Marsu 2022.
Secretário de Estado de Cooperativas (SECOOP), Dr. Elizário Ferreira, MM hala’o dala uluk ho Reprezentante União Europeia (UE), United Nations Capital Development Fund (UNCDF), Kompania Telemor Fintech, no Fundasaun Tuba Rai Metin iha Sala Reuniaun Gabinete SECOOP Akait.
Objektivu husi reunaiaun ne’e maka ko’alia kona-ba Programa dezenvolvimentu teknologia liu-liu apóiu husi Unaiun Europeia liu husi United Nations Capital Development Fund (UNCDF), ne’ebé sei fó apóiu direita ba cooperativa créditu uniain sira, iha teritóriu laran tomak oinsa mak dezenvolve aktividade programa dijitalizasaun utilizasaun ka operasaun kooperativa nian atu bele asegura sirkulasaun nasionál laprezisa lori osan.
Iha Reuniaun ne’e mós avalia servisu ne’ebé hala’o tiha ona no trasa planu ba fulan neen oin mai nian. Tanba antes ne’e iha Fulan Janeiru to’o Marsu Parte husi Kompania Telemor Fintech hahú ona fasilita treinamentu ba membru cooperativa sira no funsionáriu destakadu sira iha cooperativa oinsa mak atu utiliza aplikasaun Mosan hodi transfer osan ba membru cooperativa sira iha teritóriu laran tomak, nomos membru cooperativa ba hala’o aktividade saida deit lapresiza lori osan maibe ho deit apklisaun mosan.
Prezidenti Federasaun Cooperativa de Créditu Hanai Malu, João Bele mos prezensa iha reuniaun ne’e.
