SECOOP No Movimentu Cooperativa sira Selebra Loron Mundial Feto.
Díli, 08 Febreiru 2022
Secretaria de Estado de Cooperativas (SECOOP) Liu husi Gabinete Igualidade Géneru (GIG) hamutuk ho movimentu cooperativa sira iha teritóriu laran tomak selebra loron Mundiál Feto nian iha Salaun Federasaun Hanai Malu, Bairo-Pite, Díli.
Ho tema Internasional ba komemorasaun ne’e maka “Igualidade Géneru ohin Loron no ba Futuru ne’ebé Sustentável” no tema nasionál maka “Ho Cooperativa Bele Garante Igualidade Géneru”
Objetivu husi Komemorasaun maka atu hametin liu tan relasaun Entre SECOOP ho movimentu cooperativa sira, liu-liu movimentu cooperativa hirak ne’ebé lidera husi inan feton sira.
Secretário de Estado de Cooperativas (SECOOP), Dr. Elizário Ferreira, MM iha ninia intervensaun husu ba Nune’e husu ba inan-feto sira iha teritóriu laran tomak atu involve aan iha vida cooperativa, tanba husi vida cooperativizmu bele halo mundnasa ba moris hahú husi uma-laran, sosiedade, família, no nasaun.
Iha tempu hanesan Vise Prezidente Grupu Muller Parlamentu Nasionál Timor-Leste (GMPTL), Domingas dos Santos, husu ba feto sira katak tempu uluk feto laiha direitu atu foti desizaun iha kualkér situasaun maibé ohin loron Konstituisaun RDTL garante katak feto hotu bele hola parte iha dezenvolvimentu nasaun nian.
“Nune’e husu ba feto maluk sira, aproveita oportunidade ba dezenvolvimentu ne’ebé iha liliu iha igulidade jéneru nian, nune’e ita labele dehan mane sira mak la fó oportunidade ba ita, maibé ita mak tenke aproveita didi’ak oportunidade ne’ebé mak iha hodi kontribui dezenvolvimentu ba ita-nia rai”, afirma nia.
Nune’e Diretora Nasionál Polítika Jéneru no Inkluzaun iha SEkretária Estadu Igualidade no Inkluzaun, Maria Filomena Babo Martins hatete, komemorasaun loron internasionál feto mundiál ne’ebé selbra iha mundu inklui Timor-Leste ba dala-55, tempu to’o ona feto sira mós hamriik hamutuk ho mane sira kontribui ba dezenvolvimentu nasionál.
Partisipa iha seremónia ne’e maka hanesan, Reprezentante Embaixadór Kuba, Reprezentante Embaixada Brazil, Reprezentante Administradora Munisípiu Díli, kargu xefia sira ámbitu SECOOP nian, asesor, nomos funsionáriu SECOOP nia.
