Segundu Vise PM Ensera Semináriu de Formasaun ba OMM no Movimentu Cooperativa sira.
Díli, Kuarta-Feira, 22 Dezembru 2021.
Segundu Vise Primeiru Ministru (PM), Eng. José Maria dos Reis, akompña hosi Secretário de Estado de Cooperativas (SECOOP), Dr. Elizário Ferreira, MM ensera Semináriu de Formasaun ba Organizadór, Mobilizadór, Motivadór (OMM), no movimentu cooperativas.
Tema sentral ba semináiu de formasaun ne’e mak” Ita Nia Cooperativas, Ita Nia Dignidade, Ita Nia Futuru, formasaun ne’e hala’o durante loron tolu nia laran hahú hosi loron 20 to’o 23 Dezembru 2021.
Iha enseremtu ne’e II Vise PM husu OMM no movimentu cooperativa sira atu aproveita didiak materia hirak ne’ebé durante loron tolu nia laran formadór sira hodi nune’e bainhira fila ba ida-idak nia fatin karik tenki aplika, hodi bele kontribui ba dezenvolvimentu hasa’e kresimentu ekonomia rai laran.
Governante ne’e mós afirma tan katak Cooperativa sai faktór estatéjiku importante teb-tebes ba dezenvolvimentu ekonómiku nasionál liu hasa’e kuiñementu kona-ba cooperativa no kontabilidade, liu-liu oinsa jere iha cooperativas nian laran.
“Hau fiar katak papel OMM sira nian tenki iha valor solidaridade malu, hanesan integrimentu ida ba dezenvolvimentu ekonómia rai laran nian” Subliña Nia
Iha tempu hanesan SECOOP rekomenda OMM sira atu akompaña natafin cooperativa sira, monitoriza, no superviziona, hodi nune’e cooperativa sira tenki moris tuir duni prinsípiu no valores cooperativas nian.
“Akompaña cooperativa sira nafatin no bei-beik hodi asegura sustentabilidade institusionál, estabilidade finanseiru, no ekonomiku cooperativa sira nian” Afirma SECOOP.
Semináriu ba loron da-toluk nian kada grupu halo aprezentasaun ba rejultadu diskusaun nian, no konklui ho rezulusaun ida, sai hanesan mata dalan ba futuru la’o tuir.
Iha loron ikus ne’e mós Komisáriu Komisaun Funsaun Públika, Antonio Freitas lori materia ko’alia kona-ba papel no displiña funsionáriu sira nian iha servisu fatin. Ramata kontinua kedan halo reflexsaun ispíritual hosi Amo Luis Bonaparte.
