Komemorasaun Loron Mundial Direitu Sosioeconômico, no Loron Nasionál Coopertiva Créditu Ba Dala 10, Inklui Promove Turizmu Komunitáriu Lagoa De Henumó iha Suku Souru.
Lospalos, 10 Dezembru 2021.
Secretaria de Estado de Cooperativas (SECOOP) hamutuk ho movimentu cooperativas no komunidade sira iha Suku Souru hala’o Komemorasaun Loron Mundial Direitu Sosioeconômico, no Loron Nasionál Coopertiva Créditu Ba Dala 10, inklui Promove Turizmu Komunitáriu Lagoa De Henumó, iha Suku Souru, Postu Administrativu Lospalos, Munisípiu Lautem.
Secretário de Estado de Cooperativas (SECOOP), Dr. Elizário Ferreira, MM senti kontenti tanba tinan ida ne’e bele hala’o selebrasaun ba loron importante rua hamutuk ho komunidade sira iha Suku refere.
“Parte SECOOP, Movimentu Cooperativa sira no komunidade komemora loron direitu sosioeconômico tanba cooperativa hosi setór importante ida iha ekonómia rai laran nian, hodi kontrui ba hasa’e kresimentu ekonómia atu liberta ita hosi kiak no mukit” afirma SECOOP.
Governante ne’e mós aprésia ho atitude komunidade sira nian tanba durante semana ida resin iha fatin turizmu komunitáriu Lagoa Henumó ho amigavel teb-tebes, laiha problema ruma mak akontese
Nia mós rekomenda ba Lagoa nain atu hadia diak liu tan, ba futuru bele loke tan kafetaria, restaurante, kulináriu hodi bele kompletu liu tan.
“Hau husu mós ba membru movimentu cooperativa sira ne’ebé prezensa iha fatin ida ne’e, fila karik bele implementa mós iha idak-idak nia fatin” Subliña Secretário decEstado.
Xefe Suku Souru agrasedese ba SECOOP tanba tinan ida ne’e bele hili Suku Souru hodi komemora loron importante ne’e, nomos bele halo promosaun ba kreatividade juventudi Suku nian, liu-liu Lagoa Henumó ba Mundu tomak liu hosi transmisaun kanal RTTL, Ep.
Iha tempo hanesan Jestora CU Builale, Jacinta Ximenes senti kontente teb-tebes tana bele hetan oportunidade hodi vizita Turizmu Komunitaria refere, hodi nune’e fila ba sira nia fatin karik bele dezenvolve rai hirak ne’ebé maka sei abandonadu.
Iha Komemorasaun ne’e mós realiza konsertu hosi artista nasionál no lokal sira, inklui mós dansa tradisionál sira.
Prezensa iha Komemorasaun ne’e maka Federasaun Hanai Malu, Cooperativa Primaria hamutuk 40, komunidade sira, Reprezentante Administradór Munisípiu Lautem, Reprezentante PNTL Munisípiu Lautem, nomos funsionáriu SECOOP.
