SECOOP PARTISIPA SESAUN DEBATE OJE 2022 iha PN

Secretário de Estado de Cooperativas (SECOOP), Dr. Elizário Ferreira, MM partisipa aprezentasaun Orsamentu Jerál Estadu (OJE), ba tetu fiskal tinan 2022 nian iha Parlamentu Nasionál (PN). Kuarta-Feira, Loron 01, Fulan Dezembru,2021.

Iha Proposta Lei OJE 2022 nian ne’e, osan hamutuk Billaun 1, 675, ne’ebé finansia programa sira hamutuk 45, liu hosi prioridade nasionál hamutuk neen(6).

Hosi total ne’e sei fahe ba kategoria lima(5) maka hanesan, Transferênsia Públiku osan hamutuk tokon US$ 565,9, Bens no servisus tokon US$449,8, kapitál dezenvolvimentu tokon US$ 401,7, saláriu no vensimentu tokon US$ 233, no kapitál menor tokon 24,4.

Enkuantu OJE ba Secretaria de Estado de Cooperativas nian rasik osan hamutuk millaun US$4, 604,547. Sei finansia ba programa prioridade sira hanesan, fortalesimentu institusionál, movimentu cooperativas, formasaun cooperativas, estabelesimentu cooperativas, jovem feto no mane, oinsá hola parte iha cooperativa, no kria merkadu ba produtór sira.