SECOOP Partisipa Komemorasaun Loron Proklamasaun Independénsia Ba Dala 46 Iha Baucau

Baucau: Secretário de Estado de Cooperativas (SECOOP), Dr. Elizário Ferreira, MM partisípa iha serimónia hasa’e Bandeira Nasionál RDTL nu’udar parte prinsipál ba komemora Proklamasaun Independénsia Timor-Leste ba dala 46, (28/11/21) iha Aldeia Darsula, Suku Gariuai, Postu Administrativu Baucau vila, Munisípiu Baucau.

Prezidenti Repúblika, Francisco Guteres Lú Olo afirma katak Impaktu negativu husi pandemia Covid-19 ba sidadaun sira, Governu foti lalais desizaun fó subsídiu ba uma-kain ida-idak no fahe sesta básika ba ema ida-idak ho polítika sosa produtu lokál mai husi ita-nia agrikultór sira, apoiu empreza sira. Estadu hatene katak medida sira ne’e de’it la to’o, ne’e duni, Governu, aprova Planu Rekuperasaun Ekonómika, ho medidas atu apoia ekonomia iha rai-laran.

“Planu Rekuperasaun Ekonómika fó atensaun liu ba ema nu’udar alvu prinsipál iha ita-nia polítika públika. Prezidente Repúblika hateten tanba ne’e importante tebes investe liután iha saúde, iha edukasaun, iha abitasaun, iha protesaun sosiál no iha setor ekonómiku produtivu sira, liuliu iha setór agrikultura no Turismu tanba bele harii empregu barak” Afirma Prezidenti Repúblika.

Parsitipa iha seremónia ne’e maka hanesan, Prezidenti Parlamentu Nasionál, Aniceto Guterres, Primeiru Ministru, Taur Matan Ruak, Prezidenti Tribunal Rekursu, Deolindo dos Santos, membru deputadu sira, membru Oitavu Governu Konstitusionál sira, korpu diplomatikus sira, Xefe Estadu Maior Generál FALINTIL-Forsa Defeza Timor Leste (F-FDTL), Tenente Jenerál Lere Anan Timur, Komandante F-FDTL, Komandante Geral PNTL, Komisáriu Polísia, Faustino da Costa

veteranus, nomos estudantes no komunidade sira.