SECOOP Husu Ba Membru Kooperativa Joven Kreativu Tenki Komunga Espírito Kooperativizmu
Kooperativa Joven Kreativu realiza Asemblei Jerál ba da-uluk , iha Salaun Federasaun Hanai Malu, Lanud, Bairo-Pite Díli.
Hafoin loke Asembleia Jerál, Secretário de Estado de Cooperativas (SECOOP), Dr. Elizário Ferreira, MM husu ba membru Kooperativa Joven Kreativu hotu katak tenki iha ispíritu kooperativizmu hodi bele lori Kooperativa refere iha ninia sustentabilidade ba futuru.
Governante ne’e mos afirma katak parte Secretaria de Estado de Cooperativas ninia misaun maka Harii, promove, no hadia Cooperativa, nomos hamrik iha oin hatudu dalan ba sira, hamrik husik kotuk hodi nune’e bele iha ninia sustentabilidade.
Enkuantu durante mandatu SECOOP konsege reativa no estabelese Cooperativas iha teritóriu nasionál hamutuk 178 resin.
