SECOOP Hala’o Enseramentu Ba Expozisun Nasionál iha Díli
Díli: Secretário de Estado de Cooperativas (SECOOP), Dr. Elizário Ferreira, MM hala’o enseramentu ba Expozisaun Nasionál produtu cooperativa, mikro no empreza kiik sira nian, iha Eis Helyport Lanud, Bairro Pite, Díli.Expozisaun ne’e hala’o durante loron Sanulu(12) nian laran hahú hosi Loron 19 to’o 30 Fulan Novembru 2021.Iha Expozisaun âmbitu Komemora Loron Proklamasaun Independênsia ba dala-46, membru cooperativa, mikro no empreza kiik sira, promove sira nia produtu lokal, iklui mós promove dansa tradisionál, tebe-tebe liu hosi kompetisaun. Durante expozisaun halo membru cooperativa no komunidade sira sente kontente tanba sira-nia rendimentu sa’e durante feira refere. Iha enseramentu ne’e, SECOOP agradese ba autoridade lokal no komunidade sira-nia partisipasaun kalan-kalan sempre mai harame expozisaun. Secretário Estado mós hato’o agradesimentu ba autoridade seguransa sira, liu-liu Instituisaun PNTL no F-FDTL ne’ebé asegura atividade ne’e to’o nia rohan sem distúrbiu. Iha seremónia ne’e mós Sua Excelência Secretário de Estado Cooperativas halo lansamentu ba Livru Planu Estratéjiku Secretaria de Estado Cooperativas nian, nomos lansa website ofisiál.Ikus fahe prémiu ba kompetisaun cooperativa, mikro no empreza kiik sira ne’ebé durante ne’e fa’an sira produtu iha expozisun refere. Fahe mós prémiu ba kompetisaun ba dansa tradisionál tebe-tebe.
