Secretaria de Estado de Cooperativas Realiza Reuniaun Koordenasaun ho Movimentu Cooperativa sira ba Dalahuluk.
Díli, 04 Abril 2024, Secretaria de Estado de Cooperativas hala’o Reuniaun Koordenasaun dahuluk ho Movimentu Cooperativas iha Timor-Leste ho tema “Hametin no Haburas Movimentu Cooperativas hodi Promove nu’udar Baze Ekonomia Familiar”.
Objetivu hosi reuniaun ne’e maka atu halo koordenasaun Servisu no Implementasaun Programa Secretaria de Estado de Cooperativas nian ba tinan ida ne’e no tinan sira tuir mai.
Reuniaun ne’e koordenasaun hala’o durante loron ida nian no loke direira hosi Sua Eselénsia Vise Primeiru Ministru, Ministru Koordenador Asuntus Ekonómikus (MCAE) no Ministeru Turizmu no Ambiente (MTA), Francisco Kalbuady Lay iha Salaun Apuramentu Komisaun Nasionál Elisaun, Kaikoli, Díli.
Sua VPM, MCAE no MTA iha ninia diskursu husu ba movimentu Cooperativa sira atu hasa’e produsaun iha rai laran hodi nune’e bele kontribui ba hasa’e kresimentu ekonomia familiar nian.
“Hau lori Vise Primeiru Ministru, Ministru Koordenador Asuntus Ekonómikus kongratula no hato’o parabens ba Secretário de Estado de Cooperatívas ho ninia komponente sira hotu mai hosi teritoriu laran tomak. Hau fó hanoin deit katak Dezenvolvimentu sustentabilidade, kresimentu inklusivu, nune’e mos apóiu polítiku no investimentu liu hosi Movimentu Cooperativa sira, ne’ebé sai nu’udar meus ida ne’ebé maka forte hodi promove ho dezenvolve ekonomia familia nian, liu hosi reforsu movimentu ida-idak bele fó kbiit ba familia sira, harii komunidade sira ne’ebé forte liu, promove dezenvolvimentu sustentabel, promove kresimentu inklusivu no harii fundasaun ba futuru ida ne’ebé prospériu liu, tanba ne’e, mai ita halo fali esforsu atu apóiu Cooperativa sira hanesan baze ekonomia familia ninia” afirma MCAE.
Vise PM husu ba dirijenti movimentu Cooperativa sira atu aproveita oportunidade ida ne’e, hodi troka hanoin ba malu hosi munisípiu ida ba munisípiu seluk. Hanesan Ministru Koordenador Asuntu Ekonómikus hakarak hato’o katak iha IX Guvernu Konstitusionál agora ba oin maka foka liu ba krésimentu ekonomia, ita tenki dudu ekonomia ba oin, hahú hosi ekonomia mikro depois ba makro.
Iha tempu hanesan Sua Eselénsia Secretário de Estado de Cooperativas ( SECoop), Eng. Arsénio Pereira da Silva, M.Agr hataten katak seitór Cooperativas hanesan seitor ida importante iha dezenvolvimentu seitor ekonomia iha rai doben Timor-Leste. Liu-liu oinsa involvimentu Movimentu Cooperativas no involvimentu sidadaun nian direita sai membru Cooperativa, sai autor direita hodi produz pordutus agirkulu sira hanesan transformasaun materia prima ba produtu final ne’ebé produz hosi média emprez no empreza kiik sira, hodi produz nu’udar produtu ne’ebé sai rendimentu ba cooperativa sira hodi krese ekonomia familiar nian.
“Iha IX Governu Konstitusionál ne’ebé maka lidera hosi Maun Boot Kay Rala Xanana Gusmão fó mandatu konstitusionál liu hosi atribui programa ba Secretaria de Estado de Cooperativas nian maka hanesan, produsaun paun hosi produtu Bafo Kayrala, Produsaun Laktosinius ka susuben, produsaun Bani ben, mina nu, mina kami no produsaun masin, ida ne’e maka hanesan programa SECoop nian ba tinan lima ba Cooperativa produsaun ne’ebé mai hosi kumiti agrikula, programa tinan lima nian ne’ebé mensiona iha leten, ne’e lasignifika ita ignora kumiti agrikula sira seluk ne’ebé maka sai hanesan produsaun ba Cooperativa sira. Maibe nafatin konsidera hanesan produtus Cooperativas tanba dalan hasa’e ekonomia povu nian mai hosi produtus Cooperativas, aleinde ida ne’e, lasignifika ignora ramos Cooperativa sira seluk maibe kontinua apóiu, dezenvolve no fasilita, ne’ebé maka tau iha planu asaun anual hodi implementa iha kada tinan” Subliña SECoop.
Governante ne’e hatutan tan, iha dekretu lei 16 tinan 2004 nian ba kriasaun ekonómiku nomos dekretu lei ne’e altera ona ba númeru 37 tinan 2023 ne’ebé maka refere ba ramos Cooperativas hamutuk 16 kompostu hosi, Produsaun Traballu, Konsumu, Komérsiu, Agrikula, Kréditu, Habitasaun no Konstrusaun, Produsaun no Operariu, Arte Zenatus, Peskas, Kultura, Servisus, Ensinu, Turizmu, Solidariadase Sosiál, Transporte no Multisektoriál. Aleinde ida ne’e mós iha lejislasaun sira seluk kona-ba Cooperativas nian maka hanesa tuir mai, lei númeru 9 tinan 2023, 05 Abril lei kona-ba ekonomia sosial, dekretu lei númeru 47 2022, 13 Jullu kona-ba Cooperativa Peskas, dekretu númeru 48 2022 Jullu kona-ba Cooperativa Komersializasaun, dekretu lei númeru 49 2022 13 Jullu kona-ba Cooperativas Agrikula.
Entretantu total Movimentu Cooperativa Primeria hamutuk 219, hosi ramos 16, no Federasaun Kréditu hamutuk rua, membru hamutuk ema nain 30.507 ho ninia kapital hamutuk 15 971 588, 68 milloens dollar Amerikanu.
Iha reuniaun koordensaun ne’e mos parte SECoop konvida orador sira mai hosi SERVE, IP, Diresaun Geral Registu Notariadu hosi Ministériu Justisa no Tributaria hosi Ministério Finansas, hosi kada instituisaun sira hato’o kona-ba atendimentu ba Movimentu Cooperativa sira iha teritoriu laran tomak, atu nune’e bele halo harmonizasaun ba ida-idak ninia knaar.
Prezensa iha seremonia ne’e maka hanesan, Secretário Estado Florestas Eng. Fernandino Vieira da Costa, Komisáriu Atividade Tributaria, Diretur Ezekutivo SERVE, Vise Governador Banku Central TL, Eis Komadante FALINTIL, Cornelio Gama (L7), Prezidenti Federasaun Hanai Malu, Prezidenti Federasaun Cooperativa Créditu Leno Dalan Timor-Leste no dirijenti Movimentu Cooperativa Primaria sira.
#Mídia SECoop#
